JOHAN 4:23 - Lai (Hakha) Common Language Bible 2006

²³ Sihmanhsehlaw Pathian a bia taktakmi nih cun thlarau le biatak in an biak caan kha a ra lio i hika hi a phan cang. Hi bantukin a biami hna hi Pa nih a duhmi cu an si.

Laibaibal Thiang (BSI)

²³ Asinain a cân a phân lio i atu zongah a phân ko cang. Cu cân ah cun Pathian a biatu taktak hna nih thlarau le biatak in an biak lai, zeitintiah Pa nih Amah biatu dingah cubantuk cu a kawl hna.

JOHAN 4:23 Խաչաձեւ Հղումներ

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

JOHAN 5:25

Biatak kan chimh hna: Mithi nih Pathian Fapa aw an theih i a thimi paoh an nun lainak caan kha a ra lio i a phan cang.

GALATI 4:6

Pathian fa nan si caah khan Pathian nih, a Fapa Thlarau cu nan lung chungah a run thlah i cu Thlarau nih cun, “Ka Pa, ka Pa,” tiin a au.

ROM 8:26

Cu bantuk ṭhiamṭhiam cun, a der ngaingaimi kan si caah, Thlarau zong cu kanmah bawmh awkah khan a ra. Zeiti hin dah thla kan cam awk a si ti hmanh kan hngalh lo caah bia in chim khawh lomi hram-ainak in Thlarau nih Pathian cu a kan nawlpiak.

JOHAN 12:23

Jesuh nih cun, “Mi Fapa hi sunparnak nganpi pek ka si caan a phan cang.

EFESA 6:18

Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

JOHAN 4:21

Jesuh nih cun a thawh i, “Minu, ka chimmi hi zum; mi nih Pa cu hi tlang ah siseh, Jerusalem ah siseh an biak lo caan a phan lai.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

ISAIAH 58:2

Ni fate in an ka biak i, na nawl kha kan zulh hna i ahmaanmi kha kan tuah hna, an ti. Thluachuahnak kan pe law a dingmi phunglam kan pe, an ti,” tiah a ti.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

ROM 8:15

Pathian nih an pekmi hna Thlarau cu sal i an canter ṭhantu hna ding thlarau a si lo, ther lengmang le phang lengmang i nan rak nunning ah an kalpi ṭhantu hna ding zong a si fawn lo. Pathian fa ah a kan sertu ding tu kha a si i amah nih cun Pathian kha, “Ka Pa, ka Pa,” tiah a kan auhter khawh.

JOSHUA 24:14

“Cucaah atu cu Bawipa kha ṭih u law, amah rian kha lungtak te le zumhawktlak tein ṭuan tuah u; Tiva khattelei ral le Izipt ram ah nan pupa hna nih an biakmi pathian hna kha hlaw hna u law, Bawipa kha bia tuah u.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

SALM 51:6

Zumhawktlak lungthin hi na duhmi a si, ka lung chung hi na fimnak in khahter ko.

SALM 17:1

Maw Bawipa, kan nawlnak a dingmi hi ngai tuah, nangmah bawmh hal in ka aunak hi ka theihpiak tuah. Ka chungah hlennak zeihmanh a um lo caah ka thlacamnak cu ka theihpiak ko.

1 SAMUEL 12:24

Bawipa cu a ṭih bel ṭih ko u law, nan lungthin dihlak in a rian kha zumhawktlak tein ṭuan ko u; zeitintiah nan ca i thil lianngan a tuahmi kha ruat tuah hna u.

JOHAN 16:32

Asinain nan dihlak in ṭhek nan si i nanmahle nan inn cio ah nan kal i keimah lawngte nan ka nganh lai caan kha a ra lio i atu hi a phan cang. Sihmanhsehlaw keimah lawng ngaingai cu ka si lo, zeicahtiah ka Pa nih a ka umpi ko.

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

JEREMIAH 3:10

Hi vialte hnuah hin, zumhawktlak lo a simi a unaunu Judah nih khan ka sinah lungthin taktak he si loin i titer men in a ra kir,” tiah Bawipa nih a ti.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

ROM 1:9

Ka chimmi bia hi ahmaan tiah Pathian cu tehte ah kaa lak ngam — cu Pathian rian, a Fapa kong Thawngṭha chim hi ka lungthin dihlak in ka ṭuanmi cu a si.

SALM 147:11

asinain a lung a tongmi cu amah a ṭihmi le a fekmi a dawtnak aa bochanmi kha an si.

EZEKIEL 22:30

Ram cu rawk lo dingin chanhtu dingah, a pemnak ah cun ka hmaiah a dir kho i a phit khotu ding annih lakah ka kawl hna i ahohmanh ka hmu hna lo.

SOLOMON HLA 2:14

Dai zirziar in lungpang kua a hlum, nang ka ṭhuro, Na hmel dawh cu ka hmuhter rih law, na anka thlum zong, Na awte nih i zel ngiaimai in na mui zong dawh ai.

SALM 32:2

Bawipa nih, sual a phawt lomi le a lung chungah hlennak a ngei lomi cu a lung aa lawm.

ISAIAH 10:20

Israel mi lakin a taangmi hna nih, a rak hrawk dih dengmangtu hna miphun kha an i bochan ti lo caan a phan lai. Bawipa Israel Pathian thiang tu kha an i bochan taktak cang lai.

JOHAN 5:28

Hi kongah hin lau hlah u; thlan chung i a ummi mithi vialte nih a aw an theih lai caan kha a ra lio,

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.