JOHAN 3:26 - Lai (Hakha) Common Language Bible 2006

²⁶ Cucaah Johan sinah khan an va kal i, “Saya, Jordan tiva ral i na sin i a rak ummi pa kha na hngalh a si lo mei? A kong nangmah nih na rak chimmi pa kha. Kha pa kha atu hi tipilnak a pe ve hna i mi kip nih an fuh,” tiah an chimh.

Laibaibal Thiang (BSI)

²⁶ Johan sinah an ra i, “Rabai, Jordan varal i nan sinah a ummi, a kong na hngalhtermi nih khan baptsima a pêk hna i ngaihmanh mi vialte Amah sinah an kal thluahmah ko,” tiah an ti.

JOHAN 3:26 Խաչաձեւ Հղումներ

JOHAN 1:7

Johan nih cun mi kha ceunak kong cu a chimh hna. Mi vialte nih cu kong cu an theih i an zumh nakhnga annih chimh awk i a rat cu a si.

JOHAN 12:19

Cu tikah Farasi mi hna nih cun, “Kan ti ṭheo lo maw, kan ti kho ti lo hih. Vawlei pumpi nih an zulh cang hih,” tiah pakhat le pakhat an i ti.

JOHAN 11:48

Hitihin kan thlahdorh ko ahcun mi vialte nih an zumh lai. Cun Rom pawl kha an ra lai i kan biakinn he kan miphun he an kan hloh dih lai,” an ti.

JOHAN 1:15

Johan nih amah kong cu a rak chim i, “ ‘Amah cu ka hnu in a rami a si, sihmanhsehlaw ka chuah hlan in a rak um cangmi a si caah keimah nakin a ngan deuh,’ tiah ka rak in chimhmi hna kha amah hi a si,” tiah a au.

ISAIAH 45:23

Ka chimmi cu a hmaanmi a si i aa thleng lai lo. Keimah nih ka min chalh tein hi biakamnak hi ka tuah: ‘Mi vialte kha ka sinah an ra lai i ka hmaiah an kun lai; na sinah zumhawktlak tein kan um lai tiin bia an i kam lai,’ ka ti.

JOHAN 3:2

Zan khat cu Jesuh sinah khan a va kal i, “Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,” tiah a ti.

JOHAN 1:9

Ceunak taktak cu vawlei cungah a ra i mi vialte a ceuhtu ceunak kha a si.

MATTHAI 23:7

Zatlang lam ah mi nih upatnak in upatnak kan pe hna seh ti kha an duh i, “Saya, saya,” ti kha an tlaihchan.

PHUNGCHIMTU 4:4

Zeicahdah minung nih hin tlamtlinnak ding caah fak piin rian a ṭuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.

SALM 65:2

Zion ah kan in thangṭhat lai i na sinah bia kan i kammi kha kan in pek lai.

MATTHAI 23:8

Sihmanhsehlaw nannih cu “saya” ti kha va duh hlah u, zeicahtiah Saya cu pakhat lawng nan ngei i nan dihlak in u le nau nan si.

JOHAN 4:1

Farasi pawl nih khan Jesuh nih Johan nakin zultu tam deuh a lak hna i tipilnak a pek hna ti kha an theih.

JOHAN 4:2

(A ngaingai ti ahcun Jesuh nih khan tipilnak cu pakhat hmanh a pe hna lo, a zultu hna lawng nih khan an pek hna).

JOHAN 4:31

Cu lioah cun Jesuh kha a zultu hna nih khan, “Saya, rawl ei tuah,” tiah an rak fial.

JOHAN 5:33

Nannih nih lamkaltu kha Johan sinah khan nan hei thlah hna i biatak kha a rak chimh hna.