JOHAN 3:2 - Lai (Hakha) Common Language Bible 2006

² Zan khat cu Jesuh sinah khan a va kal i, “Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,” tiah a ti.

Laibaibal Thiang (BSI)

² Cupa cu zanah Jesuh sinah a ra i “Rabbi, Pathian sinin a rami cawnpiaktu na si kha kan hngalh, na tuahmi hmelchunhnâk hna hi Pathian umpi lo ahcun ahohmanh nih an tuah kho lai lo,” tiah a ti.

JOHAN 3:2 Խաչաձեւ Հղումներ

JOHAN 5:36

Sihmanhsehlaw kaa bochanmi cu Johan nih tehte a khaanmi nakkhan a ngan deuhmi a si; cucu ka ṭuanmi rian, ka Pa nih ṭuan awkah a ka pekmi rian hna hi an si.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

LAMKALTU 2:22

“Israel mi hna, hi ka bia hi ngai tuah u. Nazareth khuami Jesuh cu Pathian nih rian a fialmi a si ti kha, Pathian nih amah thawngin a tuahmi khuaruahharnak tehna, hmelchunhnak tehna le thil lianngan hna nih khan an langhter ko; hi ka chimmi hi nanmah hrimhrim nih nan hngalhmi an si, zeicahtiah nanmah lak hrimhrim ah a rak tuahmi thil an si.

JOHAN 9:16

Farasi mi a cheu nih cun, “Hi thil a tuahtu hi Pathian sinin a rami a si kho lai lo, zeicahtiah Sabbath ni phung kha a buar,” an ti. Sihmanhsehlaw a cheu nih khan, “Zeitindah misual a simi nih cun cu bantuk hmelchunhnak cu a tuah khawh lai,” an ti ve. Cucaah cun an i cheu.

JOHAN 12:37

Cu bantukin hmelchunhnak tampi kha an mit hmuh hrimhrim ah a ser ko nain an zum lo,

JOHAN 1:38

Jesuh cu a hnulei ah a hun i mer i an zulh kha a hmuh hna tikah, “Zeidah nan kawl?” tiah a hal hna. Annih nih, “Rabbi, khuazei ah dah na um?” tiah an leh. (Rabbi a sullam cu cawnpiaktu saya tinak a si).

MATTHAI 22:16

anmah zultu tlawmpal hna le Herod paṭi mi tlawmpal hna kha a sinah cun an hei thlah hna. An vaa thawh i, “Saya, nang cu lih chim hmang lomi na si ti kha kan hngalh. Pathian nih, cuticun um hna seh, a tining kha biatak tein na cawnpiak tawn hna i ahohmanh an mithmai kha na zoh hlei hna lo.

JOHAN 7:31

Sihmanhsehlaw mizapi chung i mi tampi nih khan amah cu an zumh i, “Messiah cu a rat tikah hi pa tuahmi nak hin hmelchunhnak tam deuh a tuah hnga maw?” an ti.

JOHAN 20:16

Jesuh nih cun, “Mary,” tiah a vun ti i amah leiah cun a vun i mer i Hebru holh in “Rabboni,” tiah a ti. (A sullam cu, saya tinak a si.)

JOHAN 15:24

Ahohmanh nih an tuah bal lomi ka tuahmi hi an lakah tuah loin rak um ning law cu an cungah sualnak a um hnga lo, asinain atu ning ah cun ka tuahmi kha an hmuh ko i keimah he ka Pa he an kan huat.

JOHAN 3:26

Cucaah Johan sinah khan an va kal i, “Saya, Jordan tiva ral i na sin i a rak ummi pa kha na hngalh a si lo mei? A kong nangmah nih na rak chimmi pa kha. Kha pa kha atu hi tipilnak a pe ve hna i mi kip nih an fuh,” tiah an chimh.

MARKA 12:14

A sinah cun an ra i, “Saya, nang cu lihchim hmang lomi na si i mi hme mi ngan ahohmanh an mithmai na zoh hna lo. Sihmanhsehlaw Pathian duhnak tu kha a ning tein na cawnpiak hna, ti kha kan hngalh. Cucaah cun Rom Siangpahrang sin i ngunkhuai pek hi kan phung he aa ralchanh maw ralchanh lo kan chim tuah, ngunkhuai cu kan pe lai maw pe lo dah?” an ti.

BIACEIHTU 6:27

Cucaah Gideon nih, a sinum hna lakin pa pahra a lak hna i Bawipa nih a chimh bang khan a tuah; sihmanhsehlaw amah innchungkhar hna le khuami kha, chun i tuah awkah cun a ṭih tuk hna caah zan ah a tuah.

ISAIAH 51:7

“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.

FILIPI 1:14

Cun thong ka tlaknak nih hin kan unau pawl a tam deuh kha Bawipa an zumhnak ah lungfehnak a pek hna i cucaah an ral a ṭha chinchin i ṭih lo tein Thawngṭha bia kha an chim.

1 SIANGPAHRANG 17:24

Cun minu nih Elijah cu a thawh i, “Atu cu nangmah cu Pathian mi na si ti kha ka hngalh i na kaa chung i a ummi Bawipa bia cu biatak a si,” tiah a ti.

JEREMIAH 38:16

Cun Siangpahrang Zedekiah nih Jeremiah sinah cun a thli tein chiat a ser i, “Ka nunnak a sertu Bawipa a nun bangin, kan that lai lo i na nunnak hrawh awk a kawlmi hna kut chung zongah kan chan lai lo,” tiah a ti.

MATTHAI 23:7

Zatlang lam ah mi nih upatnak in upatnak kan pe hna seh ti kha an duh i, “Saya, saya,” ti kha an tlaihchan.

MATTHAI 23:8

Sihmanhsehlaw nannih cu “saya” ti kha va duh hlah u, zeicahtiah Saya cu pakhat lawng nan ngei i nan dihlak in u le nau nan si.

JOHAN 2:11

Galilee ram Kana khua i Jesuh nih a tuahmi hi hmelchunhnak a tuahmi lakah a hmasa bik a si; cu a tuahmi hmelchunhnak ah cun a sunparnak kha a langhter i a zultu nih khan amah cu an zumh.

JOHAN 4:31

Cu lioah cun Jesuh kha a zultu hna nih khan, “Saya, rawl ei tuah,” tiah an rak fial.

JOHAN 6:2

Jesuh nih mizaw a damter hna tikah hmelchunhnak a tuahmi kha an hmuh caah mi run tampi nih amah cu an zulh.

JOHAN 10:38

sihmanhsehlaw ka ṭuan a si ahcun, keimah nan ka zumh lo hmanh ah ka tuahmi tal hi nan zumh awk a si. Cun nannih nih ka Pa cu ka chungah a um i kei cu ka Pa chungah ka um kha nan hngalh lai,” tiah a ti.

JOHAN 14:10

Keimah cu ka Pa chungah ka um i ka Pa cu keimah chungah a um kha na zum lo maw, Filip? Nannih kan chimhmi hna bia hi keimah chungin aa thawkmi an si ṭung lo, ka chung i a ummi ka Pa rianṭuannak pei an si cu.