JOHAN 3:10 - Lai (Hakha) Common Language Bible 2006

¹⁰ Jesuh nih cun a thawh i, “Nang cu Israel mi cawnpiaktu saya ngan na si i hi hmanh na hngal lo maw?

Laibaibal Thiang (BSI)

¹⁰ Jesuh nih, “Israel cawnpiaktu na si i cucu na hngal lo maw?

JOHAN 3:10 Խաչաձեւ Հղումներ

MATTHAI 22:29

Jesuh nih cun, “Nan hei palh hringhran dah. Hi ti nan palhnak cu Cathiang kha siseh, Pathian ṭhawnnak kha siseh, nan hngalh lo caah a si.

EZEKIEL 11:19

Lungthin dang ka pek hna lai i an chungah thlarau thar ka khumh lai; an pum chungin lung bantukin a hakmi lung an ngeihmi kha ka chuah lai i titsa bantukin a nemmi lung kha ka pek hna lai.

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

ISAIAH 56:10

A thawh hna i, “Ka mi ralrinnak a petu ding a simi an hruaitu hna kha mitcaw lawngte an si. An hngalhmi zeihmanh a um lo. Inn hngaktu ui, a bao lomi bantuk an si — an it sawhsawh i mang lawng an man men ko. Ih cu an duh hringhran.

ISAIAH 9:16

Hi mi hna hi a hruaitu hna nih a ping ah an hruai hna i zeiti um awk hngal loin an tuah hna.

SALM 73:1

Pathian hi Israel mi hna cungah a ṭha taktak ko, lung thiang a ngeimi hna cungah a ṭha taktak ko.

SALM 51:10

Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.

SALM 51:6

Zumhawktlak lungthin hi na duhmi a si, ka lung chung hi na fimnak in khahter ko.

1 CHANRELNAK 29:19

Ka fapa Solomon nih hin lung ṭengnge lo tein na nawlbia hna le na hngalhternak bia hna le na phunglam hna kha a zulh hna i a tuah dih hna i ka timhlamh ciami biakinn hi a sak khawh nakhnga, nangmah nih amah cu bawm ko,” tiah a ti.

DEUTERONOMI 30:6

Bawipa nan Pathian cu nan lung dihlak le nan ruahnak dihlak in nan dawt i nan nun nakhnga, Bawipa nan Pathian nih nanmah lung le nan tefa hna lung cuarpar cu an tan hna lai.

DEUTERONOMI 10:16

Cucaah nan lung cuarpar cu tan u law, lungkhong si ti hlah u.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

ROM 2:28

A ngaingai ti ahcun, ahodah Judah mi taktak, a cuarpar aa tan taktakmi cu a si? Lenglei in Judah mi a si i a cuarpar aa tannak cu pumsa in a simi si loin

KOLOSE 2:11

Amah he nan i pehtlaihnak ah hin nannih cu cuarpartannak kha nan hmu, minung tuahmi cuarpartannak kha si loin Khrih cuarpartannak hrimhrim kha nan hmu i cucu hi a sualmi kan pum chungin luatnak kha a si.

LUKA 2:46

A ni thumnak ni ah Biakinn chungah khan an va hmuh i cawnpiaktu Judah mi hna sinah khan a rak ṭhu i an bia kha a rak ngai i bia a rak hal len ve ko hna.

LUKA 5:17

Ni khat cu Jesuh nih a cawnpiak hna lioah khan Farasi mi tlawmpal hna le Phungbia cawnpiaktu saya hna, Galilee ram le Judea ram khuazakip in le Jerusalem khua in a rami hna kha a pawngah cun an ṭhu. A zawmi damternak ding caah khan Bawipa ṭhawnnak cu Jesuh sinah khan a um.

JOHAN 3:9

Nikodemu nih cun, “Zeitindah cucu a si khawh lai?” tiah a ti.

LAMKALTU 5:34

Sihmanhsehlaw an lak i mi pakhat, Farasi a simi a min Gamaliel, Phungbia cawnpiaktu saya, mi vialte nih an hmaizahmi kha khawngsil pawl aa pummi hna lakah cun a hung dir i, lamkaltu hna kha chuahpi hna u, tiah a ti hna.