JOHAN 21:5 - Lai (Hakha) Common Language Bible 2006

⁵ Jesuh nih cun a thawh hna i, “Tlangval hna, zeihmanh nan tlai lo maw?” tiah a ti hna. Annih nih, “Zeihmanh kan tlai lo,” tiah an leh.

Laibaibal Thiang (BSI)

⁵ Jesuh nih, “Naule hna, eiawk nan ngei maw?” tiah a ti hna. Annih nih, “Ngei lo,” tiah an leh.

JOHAN 21:5 Խաչաձեւ Հղումներ

FILIPI 4:19

Cun Khrih Jesuh chungah zeizong vialte tlamtling tein a ngeimi ka Pathian nih nan herhmi vialte cu an pek hna lai.

1JOHAN 2:13

Pale hna, a hramthawk tein a ummi kha nan hngalh caah nan sinah hi ca hi ka ṭial. Tlangval hna, nannih nih Miṭhalopa kha nan tei caah hi ca hi kan kuat hna.

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

SALM 37:3

Bawipa cu i bochan u law ṭhatnak kha tuah u; ram chungah hin um u law him tein khuasa u.

1JOHAN 2:18

Ka dawtmi ka fale hna, caan donghnak cu atu hi a si. Khrih Ral kha a ra lio, tiah nan theih i atu ah hin Khrih ral tampi an hung chuak cang; cucaah cun caan donghnak cu atu hi a si cang ti kha kan hngalh.

MATTHAI 14:15

Zanlei sang a hung si tikah a zultu kha a sinah an ra i, “Kan umnak hi pilking ngaingai a si i khua zong a tlai fawn cang. Cucaah mi hi kalter hna, kan pawngkam khua ah hin va kal hna seh law rawl vaa cawk hna seh,” tiah an ti.

1 SIANGPAHRANG 19:6

Cun khua a hun zoh i, zohhmanh, a lu leiah lung lin in rawhmi changreu hlum hlum khat le ti thawl khat a hmuh. Cun a ei a din i a it ṭhan.

MARKA 8:7

Nga hme tete tlawmpal zong an ngei. Jesuh nih cun nga ca zongah cun lawmhnak bia kha Pathian sinah a chim i a zultu hna cu, phaw hna u, tiah a ti hna.