JOHAN 20:19 - Lai (Hakha) Common Language Bible 2006

¹⁹ Zarhpi ni zanlei sang tlai nawn ah khin a zultu hna cu an i pum i Judah upa kha an ṭih hna caah inn an i hrenhkhumh. Cun Jesuh kha a ra i an lakah cun a hung dir. “Nan cungah daihnak um ko seh,” tiah a ti hna.

Laibaibal Thiang (BSI)

¹⁹ Cuni ṭhiamṭhiam zarhkhat chung ni hmasa bik zanleiah Judah mi hotu an ṭih ruangah lamkaltu hna umnâk innkâ kha an khar hnu ah, an lakah Jesuh cu a rak dir i an sinah, “Nan cungah daihnâk um ko seh,” tiah a ti.

JOHAN 20:19 Խաչաձեւ Հղումներ

JOHAN 20:26

Cu hnu zarh khat ah khin a zultu hna cu inn chungah khan an um ṭhan i Thomas zong kha a um ve. Innka cu an hrenh dih hna, sihmanhsehlaw Jesuh cu a rung lut i an lakah khan a dir, “Nan cungah daihnak um ko seh,” tiah a ti.

JOHAN 14:27

“Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

JOHAN 20:21

Cun Jesuh nih cun, “Nan cungah daihnak um ko seh, Ka Pa nih a ka thlah bantukin kei zong nih kan thlah ve hna,” tiah a ti ṭhan hna.

EFESA 2:14

Judah mi le Jentail mi kha miphun phunkhat ah a ser hna thawngin Khrih nih kannih cu daihnak a kan pek. Anmah a ṭhentu hna vampang, ral a siter pengtu hna kha, a pum hrimhrim in a chimh.

2 THESALON 3:16

Daihnak hram a simi Bawipa nih lam phunphun in daihnak kha in pe ko hna seh. Bawipa cu nan dihlak sinah um ko seh.

JOHAN 7:13

Sihmanhsehlaw ahohmanh nih langhngan in an chim ngam lo, zeicahtiah Judah upa kha an ṭih hna.

MARKA 16:14

A hmanung bik ah Jesuh cu a zultu pahleikhat hna sinah khan rawl an ei lioah a lang. Zumhnak an ngeih lo ruang le a nung in a hmumi hna chimmi kha an zumh khawh lo ruangah a sik hna.

BIAPHUAN 1:4

Asia peng chung i a ummi Khrihfabu pasarih kha Johan nih bia kan cah hna: Atu i a um liomi le a rak um cangmi le a um lai ding a simi Pathian le a bawiṭhutdan hmai i a ummi thlarau pasarih le Jesuh Khrih nih vel le daihnak in pe ko hna seh.

1 KORIN 15:5

cun Peter sinah khan a lang i lamkaltu hleihnih an dihlak sinah khan a lang fawn,

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

HEBRU 7:2

Abraham nih hranchaw a lakmi cheu hra cheu khat kha a pek. (Melkhizedek min a sullam pakhatnak cu “Dinnak Siangpahrang” ti a si. Cun amah cu Salem siangpahrang a si caah a min sullam cu “Daihnak Siangpahrang” ti zong a si fawn.)

FILIPI 1:2

Pathian kan Pa le Bawipa Jesuh Khrih nih vel le daihnak in pe ko hna seh.

EFESA 6:23

Daihnak le dawtnak cu zumhnak he, Bawipa Jesuh Khrih i a Pa le a Pathian nih in pe ko hna seh.

ROM 15:33

Cun kan daihnak tihna Pathian cu nan dihlak sinah um ko seh. Amen.

JOHAN 16:22

Cu bantuk cun nannih zong nan si lai: atu cu nan ngaih a chia, sihmanhsehlaw kan hmuh ṭhan hna lai i nan lung cu lunglawmhnak in a khat lai; cu lunglawmhnak cu ahohmanh nih an in chuh khawh lomi hna lunglawmhnak phun a si lai.

MATTHAI 18:20

Zeicahtiah ka min in pahnih pathum nan i pumhnak ah kei zong nan sinah ka um ve,” tiah a ti.

MATTHAI 10:13

Cuka inn i a ummi nih tluninn an in awnh hna ahcun daihnak in nan biakchawnh hnanak cu an cungah hmun ko seh; sihmanhsehlaw an in awnh hna lo ahcun nan biakchawnh hnanak cu i lak ṭhan u.

SALM 122:8

Ka rualchan hna le ka hawikom hna ruangah, Jerusalem cu, “Na chungah daihnak um seh,” ka ti.

JOHAN 21:1

Cu hnuah Jesuh cu a zultu hna sinah khan Tiberias Rili ah voi khat a lang ṭhan. A langhning cu hitihin a si:

JOHAN 21:14

Thihnak in thawhter a si hnuah, atu hi Jesuh nih a zultu hna sinah a langh a voi thumnak a si.

LAMKALTU 1:3

A thih hnuah ni sawm li chung an sinah voi tampi a lang i a nung ṭhan hrimhrim ti kha zumh lo awk zeihmanh um loin lam tam piin a langhter: annih nih amah cu an hmuh i anih nih Pathian Pennak kong kha a ruah hna.

3 JOHAN 1:14

Tuan ah ka rak in hmuh hna lai i cu tikah kan pum tu in kan i ruah hna lai.