JOHAN 20:17 - Lai (Hakha) Common Language Bible 2006

¹⁷ Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

Laibaibal Thiang (BSI)

¹⁷ Jesuh nih, “Ka tlai peng hlah, atu tiangin Pa sinah ka kai rih lo; ka u nau hna sinah va kal law, an sinah, “Ka pa, nan Pa, ka Pathian, nan Pathian sinah ka kai lai, a ti tiah, va ti,” tiah a ti.

JOHAN 20:17 Խաչաձեւ Հղումներ

JOHAN 16:28

Ka Pa sinin a rami ka si taktak i vawlei cungah hin ka ra; atu cu hi vawlei hin ka chuak lai i ka Pa sinah ka kal lai,” tiah a ti.

1 PETER 1:3

Kan Bawipa Jesuh Khrih i a Pathian le a Pa cu lawm ko u sih. Zeicahtiah a zaangfahnak a nganmi ruangah kannih cu Jesuh Khrih thihnak in a thawhternak khan, nunnak thar a kan pek. Cucaah kannih cu zumhnak nung in kan khat i

GALATI 3:26

Khrih Jesuh pehtlaihnak thawngin Pathian fa nan dihlak in nan si cu zumhnak thawngin a si.

JOHAN 17:11

Atu cu kei cu na sinah ka ra cang lai; vawlei ah hin ka um ti lai lo; sihmanhsehlaw annih cu an um rih lai. A Thiangmi ka Pa, nangmah le keimah cu pakhat kan si bantuk hin pakhat an si khawh ve nakhnga, na ka pekmi hna cu na min ṭhawnnak in huppheng ko hna.

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

SALM 68:18

Tlang sang par ah cun a hung kai i sal tlaihmi tampi aa hruaih hna; amah a dohtu hna nih khan amah cu laksawng an pek. Cuka ah cun Bawipa Pathian cu a um lai.

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

2 KORIN 6:18

Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti.

ROM 8:29

Pathian nih a thim ciami hna cu a Fapa bantuk kha an si naklai, a dang tein a thleidan hna, cucu unau rual tampi lakah a Fapa cu an upa bik a si nakhnga caah a si.

JOHAN 17:25

A dingmi ka Pa, vawlei nih cun an hngal lo, sihmanhsehlaw kei nih cun kan hngalh i hi hna nih hin na ka thlah hi an hngalh.

MATTHAI 28:7

Cucaah khulrang in va kal u law a zultu hna kha, ‘Thihnak in thawhter a si cang i atu cu nan hmaiah Galilee ram ah a rak kal chung cang; khika ah nan va hmuh lai,’ tiah va chim hna u. Cun kan chimhmi hna hi philh hlah u,” tiah a ti hna.

MATTHAI 12:50

Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.

BIAPHUAN 21:7

Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.

HEBRU 8:10

Hmailei ah Israel mi hna sin i ka tuah dingmi biakamnak cu hihi a si lai, tiah Bawipa nih a ti. Ka nawlbia cu an hngalhnak chungah ka chiah hna lai i an lung chungah ka ṭial hna lai. Keimah cu an Pathian ka si lai i annih cu ka mi an si lai.

JOHAN 20:27

Cun Thomas cu a thawh i, “Hika ah hin ra law ka kut hi zoh tuah hna; cun ka hnak kha ka tawng tuah. Zum loin um ti hlah, zum cang ko,” tiah a ti.

JOHAN 17:5

Cucaah Ka Pa, vawlei ser hlan i nangmah sin i ka rak ngeihmi sunparnak kha, atu ah hin na hmaika ah sunparnak ka pe tuah.

JOHAN 14:28

‘Kan kaltak hna lai, sihmanhsehlaw nan sinah ka ra ṭhan lai,’ ka ti pei nan theih ko kha. Nan ka dawt ahcun ka Pa sin i ka kal lai hi nan i lawm lai, zeicahtiah amah cu keimah nakin a ngan deuh.

JOHAN 14:2

Ka Pa inn chungah khaan tampi a um ko i cuka i nan caah hmun va timh awkah ka rak kal lai. Cu bantukin si hlah seh law hitihin kan chim hna hnga lo.

JOHAN 13:3

Jesuh nih cun ka Pa nih zeizong vialte kha ka kut chungah a ka pek dih i ka Pa sinin a rami ka si i ka Pa sinah ka kir ṭhan lai ti kha a hngalh caah

JOHAN 13:1

Atu cu Lanhtak Puai lai ni kha a si cang. Jesuh nih hi vawlei hi kaltak i a Pa sin kal caan kha a phan cang tiah a hngalh. Hi vawlei cung i a ummi a mi kha a dawt zungzal hna i annih cu a dongh tiang hrimhrim in a dawt hna.

JOHAN 7:33

Jesuh nih cun, “Caan tlawmpal chung cu nan sinah hin ka um rih lai i cu hnuah cun a ka thlahtu sinah ka kal lai.

LUKA 10:4

Phaisa bawm siseh, zal siseh, kedan siseh i phorh hlah u; lampi ah ahohmanh biakchawnh awkah dircon hlah u.

EZEKIEL 37:27

Cun ka umnak thladem toiah khan an um lai; kei cu an Pathian ka si lai i annih cu ka mi an si lai.

EZEKIEL 36:28

Nan pupa ka pekmi hna ram chungah nan um lai i nannih cu ka mi ah nan i cang lai i kei cu nan Pathian ah ka cang lai.

JEREMIAH 32:38

Annih cu ka mi an si lai i kei cu an Pathian ka si lai.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

SALM 89:26

Keimah cu a ka thawh lai i, ‘Nangmah cu ka pa le ka Pathian na si; a ka hupphengtu le ka khamhtu na si,’ a ka ti lai.

2 SIANGPAHRANG 7:9

Khi tikah pakhat le pakhat cu, “Kan tuahmi hi a ding lo. Nihin hi thawng ṭha ni a si; kannih nih dai ziar in kan um i zinglei khua ceu kha kan ngan ahcun, dantatnak nih a kan phak lai; cucaah ra u law va kal u sih law siangpahrang innchungkhar kha va chim hna u sih,” tiah an ti.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

SALM 48:14

Pathian cu a zungzal in kan Pathian a si i hmailei i a ra ding caan vialte ah a kan hruai lai, tiah nan chimh khawh hna lai.

SALM 43:4

Cun Pathian, nangmah nih lunglawmhnak le thanuamnak na ka pek caah, na biakṭheng ah cun ka hung kal lai; ka tingtang cu kaa tum lai i nangmah thangṭhatnak cu hla in ka sa lai, Maw Pathian, ka Pathian.

SALM 22:22

Na tuahmi kha ka mi cu ka chimh hna lai, an i pumhnak ah kan thangṭhat lai.

2 SIANGPAHRANG 4:29

Cun Gehazi cu a thawh i, “Na biar i rengh law ka ṭhiangṭhunh kha i put law va kal tuah. Ahohmanh na ton hna ahcun va biachawn hna hlah; cun ahohmanh nih an in chawnh ahcun va let hna hlah; cun ka ṭhiangṭhunh cu ngakchia hmai cungah khan na va chiah lai,” tiah a ti.

HEBRU 11:16

Annih nih an ngaihmi ram cu, ram ṭha deuh vancung ram tu kha a si. Pathian nih an caah khua pakhat a timhpiak hna i cucaah annih nih Pathian cu, kan Pathian, tiin an kawh tikah, Pathian cu a ning a zak lo.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

MARKA 12:26

Mithi mi thihnak in thawhter ṭhan an si lai le si lai lonak kong cu, Moses cauk chungah khan, burbuk a kangmi kong kha nan rel bal lo maw? Khaka ah khan Pathian nih Moses cu a thawh i, ‘Kei cu Abraham Pathian, Isak Pathian, Jakob Pathian ka si,’ a ti, tiah aa ṭial ṭung.