JOHAN 13:21 - Lai (Hakha) Common Language Bible 2006

²¹ Cu bia a chim dih in Jesuh nih cun lung sivang ngaingai in, “Biatak kan chimh hna: nanmah lak i pakhat nih nan ka rawi lai,” tiah a ti hna.

Laibaibal Thiang (BSI)

²¹ Jesuh nih cu bia a chim dih in thlarau in a ngaih a chia ngaingai i, “Biataktein, biataktein, kan chimh hna, “Nanlak i mi pakhat nih a ka rawi lai,” tiah a ti.

JOHAN 13:21 Խաչաձեւ Հղումներ

MATTHAI 26:21

Rawl an ei lioah cun, “Nan lak i pakhat nih hin nan ka rawi lai,” tiah a ti hna.

JOHAN 13:18

“Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.

MARKA 14:18

Cabuai i rawl an ei lioah khan Jesuh nih a thawh hna i, “Nan lak i pakhat nih hin nan ka rawi lai, ka sin i rawl a eimi nih hin,” tiah a ti.

JOHAN 12:27

Jesuh nih cun aa thawh i, “Atu hi ka lungre a thei — zeidah ka chim lai? ‘Ka Pa, hi caan hi ka cungah phakter hlah,’ ka ti lai maw? Ka ti lai lo, hi nganfahnak innak caan ton dingah hin pei ka rat cu.

JOHAN 11:33

Jesuh nih Mary a ṭah le a sin i a rami Judah mi hna an ṭah kha a hmuh hna i a hnarno a ṭam i a lung a hno.

1JOHAN 2:19

Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

LAMKALTU 17:16

Paul cu Athens khua i Silas le Timote a rak hngah lio hna ah khan cu khua cu siasal in a khah kha a hmuh i a awlok a chong.

JOHAN 13:2

Jesuh le a zultu hna cu zanriah an dum i Khuachia nih khan Simon Iskariot fapa Judas lung chungah khan Jesuh rawinak ding ruahnak cu a rak khumh cang.

JOHAN 11:38

Jesuh cu a hrum ruangmang ṭhan i thlan ah cun a va kal. Cu thlan cu lungkua a si caah a khar ah lungpher an khar.

JOHAN 11:35

Jesuh cu a ṭap.

MARKA 3:5

Cu tlukin an lung a hah le an palh kha a hmuh hna tikah a thin a hung a ngaih a chia i mipa cu a thawh i, “Na kut kha samh,” a ti. A samh i a dam ai!

MATTHAI 26:38

Annih cu a thawh hna i, “Ka lungre a thei tuk hringhran i ka thi sual lai. Cucaah cun hika ah hin rak um u law hngilh lo tein rak ka hngak u,” tiah a ti hna.

JOHAN 13:22

A zultu hna cu pakhat le pakhat an i zoh i, ahodah a kan chimhnawhchan hnga tiah ar koin an um.