JOHAN 10:36 - Lai (Hakha) Common Language Bible 2006

³⁶ Pa nih a thim i vawlei ah a run thlahmi keimah nih, ‘Pathian Fapa ka si,’ ka ti ruangah Pathian na serhsat tiah zeitindah nan ka ti khawh?

Laibaibal Thiang (BSI)

³⁶ Pa nih a thleidanmi le vawlei i a thlahmi nih, ‘Pathian Fapa ka si,’ ka ti rungah, (Pathian) cawhdehtu nanka ti kho lai maw?

JOHAN 10:36 Խաչաձեւ Հղումներ

JOHAN 3:17

Zeicah ti ahcun Pathian nih a Fapa cu vawlei cungah hin vawlei biaceihtu si awkah a run thlah ṭung lo, vawlei khamhtu si awkah pei a run thlah cu.

JEREMIAH 1:5

“Paw chung i kan ser hlanah kan hngalh i na chuah hlanah kan thianter cang; Nangmah cu miphun hna ca i profet ah kan chiah cang,” tiah a ti.

JOHAN 20:31

Hi thil lianngan a tuahmi hna ka ṭialnak chan cu, nannih nih Jesuh cu Messiah, Pathian Fapa a si ti kha nan zumh i cu nan zumhnak thawngin amah min in nunnak nan hmuh nakhnga caah a si.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

ROM 9:5

Hebru mi a kan hringsortu hna tefa kha an si, cun Khrih zong kha minung lei cun anmah phun a si. Zeizong vialte a uktu Pathian cu zungzal in thangṭhat si ko seh! Amen.

ROM 1:4

thlarau lei in le a thiannak kong in ti ahcun, ṭhawnnak nganpi in thihnak in thawhter a sinak nih khan Pathian Fapa a si kha a langhter.

JOHAN 20:28

Thomas nih cun, “Ka Bawipa le ka Pathian,” tiah a ti.

JOHAN 19:7

Judah mi nih cun, “Amah nih Pathian Fapa ka si tiah a ti caah kan phung bantukin thih awk a si,” an ti.

JOHAN 17:21

An dihlak in pakhat an si nakhnga thla ka cam. Ka Pa, keimah cu nangmah chungah ka um i nangmah cu keimah chungah na um bantuk hin annih zong kan chungah um ve hna seh.

JOHAN 17:18

Vawlei ah na ka thlah bantukin kei zong nih vawlei ah ka thlah ve hna.

JOHAN 17:8

Na ka pekmi bia kha ka chimh hna i annih nih an cohlan; nangmah sinin a rami ka si kha a si taktak tiah an hngalh i nangmah i na ka thlah kha an zumh.

JOHAN 6:69

Atu cu nangmah hi Pathian sinin a rami Mi Thiang na si kha kan zumh i kan hngalh cang,” tiah a ti.

JOHAN 6:57

A nungmi Pa nih keimah hi a ka thlah i ka nun hi Amah ruangah a si bantukin, keimah a ka eimi zong cu keimah ruangah a nung ve lai.

JOHAN 6:38

Zeicahtiah vancung in ka rung ṭum cu keimah duhnak tuah awkah khan si loin a ka thlahtu duhnak tuah awkah khan a si deuh.

JOHAN 5:30

“Keimah lawngin zeihmanh ka tuah kho lo; Pathian nih a ka chimhmi ning lawngin bia ka ceih hna; keimah nih ka duhmi kha si loin a ka thlahtu nih a duhmi kha tuah kaa zuam caah ka biakhiahnak cu ahmaanmi a si.

JOHAN 3:34

Pathian nih a thlahmipa kha a Thlarau cu tling tein a pek caah, Pathian bia cu a chim.

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

MATTHAI 27:43

Pathian kha aa bochan i Pathian Fapa ka si a ti. Pathian nih a khamh le khamh lo kan zoh fam lai ta!” an ti.

SALM 2:2

An siangpahrang hna le an uktu bawi hna nih Bawipa le Bawipa nih a thimmi siangpahrang doh awk khua an khan.

GALATI 4:4

Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um,

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

JOHAN 8:42

Annih cu Jesuh nih, “Pathian kha nan Pa rak si taktak seh law cu keimah hi nan ka dawt ko hnga, zeicahtiah kei cu Pathian sinin a rami ka si i atu hika ka phan. Keimah duh in a rami ka si lo, amah nih a ka thlahmi ka si.

MATTHAI 27:54

Jesuh a cawngtu ral bawi le a sin i a ummi ralkap hna nih khan lihnin le thil dang a ummi vialte kha an hmuh tikah an thla a hlauh hna i, “Hi mi hi Pathian Fapa a si hrimhrim ko,” an ti.

ISAIAH 55:4

Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

ISAIAH 42:3

A derthawmmi cungah khan nem tein a um lai i bawmtu a ngei lomi kha a zaangfah hna lai. A hmunmi dinnak kha mi vialte cungah a tlunter lai.

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

JOHAN 10:35

Pathian nih a bia a pekmi minung hna kha pathian ti an si ahcun — Cathiang cu a palh ti khawh a si lo va si kaw —