JOEL 2:26 - Lai (Hakha) Common Language Bible 2006

²⁶ Atu cu ei awk tampi nan ngei cang lai i nan khim cang lai. Nannih nan caah khuaruahhar thil a tuahtu Bawipa nan Pathian kha nan thangṭhat lai. Ka mi cu zawmhtaih nan si ti lai lo.

JOEL 2:26 Խաչաձեւ Հղումներ

ROM 10:11

Cathiang nih, “Amah a zummi paoh cu ningzahnak an ing lai lo,” tiah a ti.

SALM 22:26

Sifakmi nih an duh zat in an ei lai, Bawipa sinah a rami nih Bawipa cu an thangṭhat lai. Zungzal in thluachuak in um ko hna seh.

ROM 5:5

zeicahtiah a kan pekmi Thiang Thlarau thawngin kan lung chungah Pathian nih a dawtnak cu a toih in a kan toih.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

ISAIAH 49:23

Siangpahrang cu nan caah nan pa bantuk an si lai i siangpahrang bawinu hna nih cun hringtu nu bantukin an in umh hna lai. Nan hmaiah niam ngaiin an kun lai i upatnak an in pek hna lai; nanmah an in hmaizah hnanak cu an langhter lai. Khi tikah Bawipa ka si cu nan hngalh lai i keimah bawmhnak a hngakmi paoh cu a khel hna lai lo,” a ti.

ISAIAH 45:17

Sihmanhsehlaw Israel cu Bawipa nih a khamh i teinak a hmuhmi cu zungzal in a hmun lai; a mi cu ningzahnak an phan lai lo.

LEVITIKAS 26:5

Nan facil nih cun mitsur lawh caan cu a hei phak lai i mitsur lawh caan nih cun thlaici thlak caan a phak lai; nan rawl cu khim tein nan ei lai i nan ram chungah him tein khua nan sa lai.

1JOHAN 2:28

Asi, ka fale hna, amah chungah cun um ko u, nan um ahcun amah a hung langh tikah ralṭhatnak in nan khat lai i a rat Ni ah khan ningzak in i thuh nan herh lai lo.

ROM 9:33

Cathiang nih, “Zohhmanh, Zion ah mi a tluktertu ding lung pakhat ka chiah, Cu lung nih cun a rilhter hna lai. Sihmanhsehlaw amah a zummi cu ningzahnak an phan lai lo,” tiah a rak chimmi bang khan a si.

ISAIAH 54:4

Na thinphang hlah — ningzahnak na ing ti lai lo; serhsatnak na hmu ti lai lo. Na ngaknut lio i zumh awk tlak lo na rak si kha na philh lai i nuhmei na si lio i na umhar vialte kha na philh lai.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

ZEKHARIAH 9:17

An rumnak cu zeitluk in a rummi dah a si, an i dawhnak cu zeitluk in aa dawhmi dah a si! Rawl nih tlangval cu an thazang a ṭhawnter hna lai i Mitsur hang thlum nih ngaknu au a ṭhawnter hna lai.

ZEKHARIAH 9:15

Ralkapbu Bawipa cu an phaw a si lai; Annih nih an ral kha an tei hna lai, lung herh chehnak lung kha an lamh hna lai; Zuri bantukin an au cukmak lai i kheng bantukin an khat lai i biakṭheng kil bantukin cin cikcek in an um lai.

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

ISAIAH 29:22

Cucaah cun atu cu Abraham kha harnak chungin a khamhtu Bawipa, Israel Pathian nih, hi bangin a ti: “Ka mi hna, ningzak hmaichia in nan um ti lai lo, nan hmai thikhal zong a chuak ti lai lo.

GENESIS 33:11

Nangmah caah ka rak phorhmi ka laksawng cu ka cohlanpiak ko hna; Pathian nih a ka zaangfah i ka herhmi vialte kha a ka pek ko,” a ti. Aa lak hlan lo a nawl lengmang.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

ISAIAH 55:2

Zeicahdah rawl a si ṭung lomi ah nan phaisa kha nan hloh? Zeicahdah nan nihlawh man vialte cu nan hman dih ṭung i rawlṭam in nan um ṭhiamṭhiam ṭung? Ka bia ngai u law ka chimmi kha tuah tuah u, rawl vialte lakah a thaw bik kha nan ei lai.

SOLOMON HLA 5:1

Aanka tiam cia far can ka dawt aw, dum chungah ka ra ai cang, Ka mura le zihmui ka khawmh hna, khuaihliti le fu thlum zong ka ei; Ka mitsur thlum le cawhnuk ka din hna.

PHUNGTHLÛKBIA 13:25

Miding cu ei awk a za in an ngei, sihmanhsehlaw miṭhalo cu an rawl a ṭam zungzal ko.

SALM 116:7

Bawipa cu ka cungah a ṭhat caah, maw ka nunnak, hnangam tein um ko.

SALM 103:5

ka nunnak cu thil ṭha in a khahter i cucaah ka no peng i mupi bantukin ka ṭhawng.

SALM 72:18

Bawipa Israel Pathian cu thangṭhat ko u, amah lawnglawng cu, hi thil khuaruahhar a tuah khotu a si.

SALM 37:19

Caan ṭhalo a tlun tikah sifah an ing lai lo, mangṭam a tlun tikah ei awk a za an ngei lai.

SALM 13:6

Bawipa cu ka cungah a ṭhat zungzal caah amah cu hla in ka thangṭhat lai.

NEHEMIAH 9:25

Cun annih nih kulhmi khua hna le a rummi ram kha an tlaih hna i thil ṭha in a khatmi inn hna le cawhmi tikhor hna le mitsur dum hna le oliv dum hna le thei a tlaimi thingkung tampi hna cu an co hna; an ei hna i an khim i an thau i na ṭhatnak a nganmi ah khan an i lawm.

DEUTERONOMI 12:18

sihmanhsehlaw Bawipa nan Pathian nih a thim laimi hmun ah, nanmah le nan fapa le nan fanu le nan salpa le nan salnu le nan khuachung i a ummi Levi mi nih Bawipa hmaiah nan ei hna lai. Cun zei thil nan tuahnak paoh ah Bawipa nan Pathian hmaiah nan i lawm lai.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

DEUTERONOMI 8:10

Cun nan ei lai i nan khim lai i Bawipa nan Pathian cu, ram ṭha an pekmi hna caah cun, nan lawmh lai.

LEVITIKAS 26:26

Cun nan i rinhcanhmi rawl kha ka chah tikah nu pahra nih changreu rawhnak pakhat ah nan changreu cu nan rawh lai i nan changreu cu a khing thlai tein pek ṭhan nan si lai; cun nan ei lai i nan i khimh lai lo.

MIKAH 6:14

A ei cu nan ei lai, sihmanhsehlaw nan khim lai lo, nan rawl a ṭam ṭhiamṭhiam ko lai. Nau nganfahnak cu nan in lai, sihmanhsehlaw fa cu nan hring hna lai lo, Cun nan hrin hna hmanh ah vainam sin tu ah khan ka pek hna lai.

DEUTERONOMI 11:15

Cun amah nih nan saṭil hna caah nan lo ah ram hno an pek hna lai i, nan ei lai i nan khim lai.

SALM 67:5

Mi kip nih in thangṭhat hna seh, Maw Pathian; miphun vialte nih in thangṭhat ko hna seh.

LEVITIKAS 25:19

Ram nih a theitlai a chuah lai i khim tein nan ei lai i ram chungah him tein nan um lai.