JOB 9:17 - Lai (Hakha) Common Language Bible 2006

¹⁷ Zeicahtiah thil hme tete kongah fak piin a ka tongh i Sullam ngei loin ka cungah tuknak cu ruah sur in a surter.

JOB 9:17 Խաչաձեւ Հղումներ

JOB 16:14

A ka khuai a ka hmal chin lengmang ko; A thin a hun tuk i a molh in a molh cangmi ralkap bantukin a ka zuanhnawh.

JOB 2:3

Cun Bawipa nih Satan cu a thawh i, “Ka sal Job hi na ruat bal maw? Vawlei cungah hin amah bantuk soisel awk um lo, miding, Pathian a ṭih i ṭhat lonak a mertakmi hi an um lo. Amah cu zei ruang lo ah hrawh awkin na ka canghter cang nain, a tlinnak cu fek tein aa tlaih peng ko,” tiah a ti.

JOB 34:6

Ka ding ko nai kei cu lihchim ah rel ka si; Ka hma cu damh khawh ding a si lo, phungbuarnak zeihmanh ka tuah lo nain,’ a ti.

JOHAN 15:25

Cucu a si awk a si ko, zeicahtiah cuticun pei an Phung chung i, ‘Zei ruang lo ah an ka huat,’ tiah aa ṭialmi kha a tlin khawh ding a si cu.

JOHAN 9:3

Jesuh nih cun, “A mitcawtnak hi amah sualnak ruangah siseh, a nu le a pa sualnak ruangah siseh a si lo. Pathian ṭhawnnak cu amah damnak thawng hin a langh nakhnga caah a mit a cawt hi a si.

MATTHAI 12:20

Dinnak kha teinak ah a phakter hlantiang a kiakmi phaikung kha i hlang koin a khiak lai lo i a mit dengmangmi meiinn kha a hmit lai lo.

MATTHAI 7:27

Ruah a sur, ti a lian, thlitu nih fak piin a hranh i a pur; rawk cikcek in a tlu,” tiah a ti.

EZEKIEL 13:13

Cucaah hihi Bawipa Pathian bia a si: Zeizong vialte kha a rawh dih hlantiang, ka thin nan ka phawh caah thli chia kha ka hranter lai, ka thin hun in ruahpi fak piin ka surter lai i ka thinlinh in lung tlukin a hakmi rial kha ka tlakter hna lai.

JEREMIAH 23:19

A kangh in mi a kangmi thli, Bawipa sinin a chuakmi khi zohhmanh, Ṭotho phuchim a si khi! Miṭhalo hna lung chungah aa zi len ko.

ISAIAH 28:17

A hram a phei lei in an tahnak hri cu dinnak a si lai i a tunglei in an tahnak hri cu lihchim lonak a si lai. Sihmanhsehlaw nan i hngatchanmi lih bia cu rial he a rami ṭotho nih a choih dih lai i nan himnak cu tilian nih a fenh dih lai,” a ti.

SALM 83:15

annih cu ṭotho in dawi hna law thlichia in ṭhih ko hna.

SALM 42:7

Tithuk nih tithuk kha a chawnh; Pathian tisor cu a huk in an huk! Annih cu ka nunnak a leh chihtu ngaihchiatnak tilet an si.

SALM 29:5

Bawipa aw nih cun sidar thing kha a khiah dih hna, Lebanon tlang sidar hmanh kha a khiah dih hna.

SALM 25:3

Nangmah an bochanmi cu an sung lo i, asinain nangmah doh ah a khul a rangmi cu sunghnak kha an phan.

JOB 30:22

Na ka tlaih i thlitu lakah na ka ṭhutter i Thlichia nih heh tiah a ka den.

JOB 16:17

Sihmanhsehlaw ka kut nih zaang-ennak kha an tuah hna lo i Ka thlacamnak a thiang ko.

JOB 16:12

Dai tein ka um ko, Sihmanhsehlaw Pathian nih ka orpareng in a ka dih i a ka khawn chih len i a ka tengh; A hmuichon selnak ah a ka hman i

JOB 2:13

Cun amah cu vawlei ah khan ni sarih le zan sarih an ṭhutpi i a temhinnak kha a fak ngaingai ti an hmuh caah ahohmanh nih bia ka khat hmanh in an chawn lo.

JOB 2:7

Cuticun Bawipa hmaika cun Satan cu a chuak i fih a nungmi hma in Job cu a kechik in a luthlung tiang a hrem.

JOB 9:16

Zung ah khin hei chuahpi in amah nih khan rak ka let ko hmanh seh law, Ka nawlnak bia cu a ka ngaihpiak hnga tiah ka zum hlei lo.

JOB 10:8

Na kut in na ka ser i na ka siam; Cun maw naa mer i na ka hrawh.

JOB 27:2

“Dinnak a ka phaw duh lo i lungretheihnak in a ka khahtertu Lianngan Bik Pathian min in chiat ka ser:

JOB 33:10

Sihmanhsehlaw Pathian nih a palh ah a ka chiah tawn i a ral ah a ka rel;