JOB 9:12 - Lai (Hakha) Common Language Bible 2006

¹² Amah nih cun a lak ko, aho nih dah an dawnh khawh lai? Aho nih dah, ‘Zeidah na tuah?’ an ti lai?

JOB 9:12 Խաչաձեւ Հղումներ

ISAIAH 45:9

Tlak um nih a sertu kha bia a al ngam hnga maw? Um dang bantuk cio a si vemi nih khan a al ngam hnga maw? Um nih khan, a sertu kha, a ser na ka thiam lo, tiah a zaihnawh bal maw?

JOB 11:10

Pathian nih an tlaih i biaceihnak ah an chuahpi ahcun, Aho nih dah amah cu a dawnh khawh lai?

JOB 23:13

Amah cu thlen khawh lo a si i aho nih dah an mer khawh lai? A duhmi cu a tuah ko.

ROM 11:34

Cathiang nih, “Bawipa cu aho nih dah a lungthin an hngalh? Aho nih khin dah ruahnak an cheuh khawh?

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

MATTHAI 20:15

Keimah tangka cu keimah nih ka duhduh in hman awk a si ko lo maw? Zeicahdah mi ka zaangfah hna hi nan hnah a chuah?’ tiah a ti.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

JEREMIAH 18:6

“Maw Israel innchungkhar hna, umsertu nih tlak kha a duhduh in a tuah bantuk hin kaan tuah kho hna lo maw? A kut chung i a ummi tlak bantuk khi ka kut chungah hin nan si.

JOB 33:13

Zeicahdah, ka bia cu zeihmanh a ka let lo, tiin amah cu na mawhchiat len ko?

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

MATTHAI 11:26

Asi, ka Pa, cucu nangmah nih siseh ti na duhningte a si.

PHUNGCHIMTU 8:4

Siangpahrang bia cu a sang bik a si i aho nih dah amah cu, “Zeidah na tuah?” an ti khawh lai?

ISAIAH 43:13

Keimah hi Pathian cu ka si i ka si zungzal ko lai. Ahohmanh ka ṭhawnnak chungin a luat khomi an um lai lo; ka tuahmi kha ahohmanh nih an thleng kho lai lo,” a ti.

2 SAMUEL 16:10

Sihmanhsehlaw siangpahrang nih cun a thawh i, “Nannih Zeruiah fapa hna, nannih nan i thlaknak zeidah a um? Bawipa nih amah cu, ‘David kha chiat va serh,’ tiah a ti i chiat a ka serh a si ahcun, ‘Zeicahdah mah cuticun na ti?’ tiah aho nih dah a ti khawh lai?” tiah a ti.

JOB 1:21

Cun aa thawh i, “Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,” tiah a ti.

DANIEL 4:32

Minung bu sinin ṭhawl na si cang i ram sa sinah na um cang lai; cawtum bantukin ram kha kum sarih chung na ei lai. Cu tikah Cung Nung Bik nih hin minung hna pennak chungah hin uktu bawi a si i pek a duhmi hna sinah a pek ko dah ee, ti kha na hngalh lai,” tiah a ti.