JOB 8:8 - Lai (Hakha) Common Language Bible 2006

⁸ “Zeicahtiah a liam ciami chan hna kha hal hna law, Kan pupa hna nih zeidah an hmuhmi a si kha ruat hmanh;

JOB 8:8 Խաչաձեւ Հղումներ

JOB 15:18

(Mifim mi nih an rak chimmi, an upa hna nih thup lo tein an rak chimhmi hna biatak cu kan chimh lai.

DEUTERONOMI 32:7

Hlan lio ni kha hngal ṭhan hna law, Chan tampi kum kha ruat tuah hna. Na pa kha hal law, an hmuhsak lai, Na upa hna zong hal hna law, an in chimh lai.

DEUTERONOMI 4:32

“Zeitintiah nannih hlan i a rak ummi hlanlio ni hna kha hal tuah hna u, Pathian nih vawlei cung i minung a rak ser ni ri khan, cun vanhramdeng khattelei in khattelei tiang zong hal tuah u, mah bantuk thil lianngan hi a rak um bal maw um bal lo, an rak thei bal maw thei bal lo dik?

ROM 15:4

Cathiang nih lungsaunak le lungthin ṭhawnnak a kan pekmi thawngin ruahchannak kha kan ngeih khawh nakhnga Cathiang chung i aa ṭialmi vialte cu kanmah cawnpiaknak caah a si.

1 KORIN 10:11

Hi vialte an cung i a tlungmi hi midang nih i zohchunh awk caah a si i kan i ralrinnak ding caah ṭial an si. Zeicahtiah kannih kan caan hi donghnak a phak dengmangnak caan a si.

ISAIAH 38:19

Atu i keimah nih kan thangṭhat bantukin nangmah an thangṭhatmi cu minung hi an si. Zeitluk in dah zumhawktlak na si kha pale nih an fale kha an chimh hna.

SALM 44:1

Maw Pathian, hlan lio pi ah na rak tuah bantukin kan pupa hna chan ah thil lianngan na tuahmi kha kan hna hrimhrim in kan theih i kan pupa hna zong nih an kan chimh:

JOB 15:10

Ṭuakparmi hna le tar hna cu kan sinah an um, Na pa nakin a upa deuhmi an si.

JOB 12:12

Fimnak cu tar nih an ngeih, Sihmanhsehlaw Pathian nih cun fimnak le ṭhawnnak a ngeih; Hngalhthiamnak cu chan saumi nih an ngeih, Sihmanhsehlaw Pathian nih cun hngalhthiamnak le thil ti khawhnak a ngeih.

2 CHANRELNAK 10:6

Cun Siangpahrang Rehoboam nih cun, a pa Solomon a nun lio i a hmai i a rak dirmi tar hna kha ruahnak a hal hna i, “Hi mi hna hi zeitin va let hna ti ah dah nan ka ti?” tiah a ti.

JOB 20:4

Hlanlio piin mah bantuk hin a si zungzal ko i Vawlei ah minung a um hramthawk in, hi bantukin a si zungzal ko ti kha na hngalh:

JOEL 1:2

Nannih upa hna, ngai tuah u, Ram chung i a ummi hna, ka bia hi thei tuah u: Hi bantuk thil hi nan chan chungah a um bal maw? Nan pale chan ah tah a rak um bal maw?

JOB 13:1

“Zohhmanh, ka mit in mah vialte hi ka hmuh cang hna i Ka hna in ka theih hna i ka hngalh hna.