JOB 8:22 - Lai (Hakha) Common Language Bible 2006

²² Nangmah an huami cu ningzahnak in thuamh an si lai i Miṭhalo hna thlam cu a um ti lai lo,” tiah a ti.

JOB 8:22 Խաչաձեւ Հղումներ

SALM 132:18

A ral pawl cu ningzahnak in ka khuh hna lai, asinain anih cu a cer in a cermi suiluchin kha ka chinh l ai.

SALM 109:29

Ka ral cu ningzahnak nih a khuh in khuh hna seh; hmaichiatnak cu puan bangin i aih hna seh.

SALM 35:26

Ka nganfah innak i a di a riammi kha sung cikcek hna seh law khuaruahhar vansang au in um hna seh; amah nakin kan ṭha deuh aa timi kha ningzahnak le hmaichiatnak nih zual hna seh.

JOB 18:14

A inn chung i him tein a umnak hmun khan an hnuh i Thihnak Siangpahrang ṭihnung hmaiah khan an chuahpi.

JOB 8:18

Cun mi pakhat nih a umnak hmun khan a phawi i A umnak hmun nih cun, ‘Nangmah cu kan hngal bal lo,’ tiin a hlawt.

JOB 7:21

Zeicahdah ka phungbuarnak cu na ka ngaihthiam ko lo i, Ka ṭhat lonak cu na ka hlonhpiak ko lo? Zeicahtiah atu cu vawlei chungah ka it lai; Na ka kawl lai, sihmanhsehlaw ka rak um ti lai lo,” tiah a ti.

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.

JOB 4:21

An thlam hri cu an lakin cat lakin hnuh a si ahcun, Fimnak ngei loin an thi men ko lo maw?

JOB 8:15

A inn kha aa hngauh, sihmanhsehlaw a inn cu a dir kho lo; A tlaih, sihmanhsehlaw a tlu ṭhiamṭhiam.

JOB 9:1

Cun Job nih a leh i:

JOB 15:34

Zeicahtiah Pathian zei ah a rel lomi hna cu an dihlak in an car i Ziknawhmi thil in an sakmi an inn cu mei nih a kangh hna lai;

JOB 21:28

‘Atu hi minganpa inn kha khuazei ah dah a si? Miṭhalopa inn kha tah zeidah a can cang hnga?’ tiin bia na ka hal lai cu ka hngalh ko.

JOB 36:6

Sihmanhsehlaw sifakmi le retheimi cu an hmuh awk hnga a simi kha a pek hna i Harnak a ingmi hna cu an hmuh awk hnga kha a pek hna, ka ti.

EZEKIEL 7:27

Siangpahrang cu a ṭap lai, bawi cu vansangau in an um lai i zapi cu ṭihnak in an kut a ther lai. Hmuh awkah an i tlakning in an cungah ka tuah lai i zeicahdah thil an tuahmi kha an tuah tiah ka hal hna lai; cun annih nih keimah cu Bawipa ka si kha an ka hngalh lai,” tiah a ti.

EZEKIEL 26:16

Cun rili uktu bawi vialte hna cu an bawiṭhutdan cung khan an rung ṭum lai i an puan kha an i chiah hna lai i ṭamhmi an puan kha an i phoih hna lai. A hratmi biar kha an i kaih lai; vawlei ah an ṭhu lai i na cung i a tlungmi thil ruangah khan khuaruahhar lungmit in an um lai.

PHUNGTHLÛKBIA 14:11

Miṭhalo inn cu hrawh a si lai, sihmanhsehlaw miding inn cu a hungcho lai.

ZEKHARIAH 5:4

Ralkapbu Bawipa nih, ‘Ka thlah cang i mifir hna inn kip ah le ka min in lih in chiat a sermi vialte hna inn kip ah a lut lai, khi inn chungah a um lai i a thing he a lung he a hrawh dih hna lai,’ a ti,” tiah a ti.