JOB 8:13 - Lai (Hakha) Common Language Bible 2006

¹³ Pathian a philhmi hna cu an dihlak in cu bantuk cu an si; Pathian zei ah a rel lomi hna cu an nunnak hri a cat.

JOB 8:13 Խաչաձեւ Հղումներ

SALM 9:17

Miṭhalo vialte hna le Pathian a hlawmi vialte an donghnak cu thihnak a si.

JOB 13:16

Pathian zei ah a rel lomi cu a hmaiah an chuak ngam lai lo, ti tal hi cu ka khamhnak a si ṭheo lai.

JOB 11:20

Sihmanhsehlaw miṭhalo cu mitcawtnak nih khan a tlakhnawh lai i Luatnak lam vialte kha a thlau hna lai, An i ruahchanmi cu, an thaw hmanung bik chuah kha a si ko lai,” tiah a ti.

PHUNGTHLÛKBIA 10:28

Miding hna ruahchannak cu lunglawmhnak a phan, Sihmanhsehlaw miṭhalo hna nih an i ruahchihmi cu pakpalawng ah a cang.

JOB 15:34

Zeicahtiah Pathian zei ah a rel lomi hna cu an dihlak in an car i Ziknawhmi thil in an sakmi an inn cu mei nih a kangh hna lai;

PHUNGTHLÛKBIA 12:7

Miṭhalo cu an tla i cucu an donghnak a si, sihmanhsehlaw miding hna tefa cu an i peh lengmang.

SALM 50:22

“Zei i a ka rel lomi hna, hihi ngai tuah u, nan ngaih lo ahcun kan hrawh hna lai i ahohmanh nih an in khamh kho hna lai lo.

JOB 20:5

Miṭhalo lawmhnak cu tawite lawng a si i Pathian zei ah a rel lomi thanuamnak cu caan tawite lawng a si.

DEUTERONOMI 8:19

Cun Bawipa nan Pathian nan philh i pathian dang kha nan zulh hna i an rian nan ṭuan i nan biak hna ahcun, nan rawk hrimhrim lai, tiah nihin ah hin ralrin kan pek hna.

MATTHAI 24:51

a bawipa nih cun a sam cikcek lai i midepde pawl umnak hmun ah khan a umter ve lai. Cuka ah cun a ṭap lai i a hacang a rial lai.

ṬAHNAK HLA 3:18

Khi tikah ka thazang a um ti lo, tiah ka au i, Cuticun Bawipa kaa ruahchannak zong a lo ve.

ISAIAH 51:13

Nanmah kha an sertu hna le van kha a samh i vawlei hram a bunhtu Bawipa kha nan philh cang dahra? Nanmah an hremtu hna an thinhun le nanmah thah an zaltu hna an thinlinh cu zeicahdah ṭih zungzal in nan um? An thinhunnak nih cun a tawngh hmanh an tawng kho hna lai lo.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

SALM 10:4

A ruam a kai caah miṭhalo nih cun aa thawh i, “Pathian nih cun dan a ka tat lai lo, ka duhnak ṭhalo kha a zeihmanh a poi lem lai lo,” a ti. Miṭhalopa nih a ruahmi cu cucu a si.

JOB 36:13

Mi lungpuam nih cun an thinhun kha an chuahhnawh i Annih kha a ṭem hna tikah bawmhnak hal an duh lo.

JOB 18:14

A inn chung i him tein a umnak hmun khan an hnuh i Thihnak Siangpahrang ṭihnung hmaiah khan an chuahpi.

DEUTERONOMI 8:14

nan lung a puam i Izipt ram chungin sal cannak innchung khan an chuahpitu hna Bawipa nan Pathian cu nan philh sual nakhnga lo, i ralring tuah u.

DEUTERONOMI 8:11

“Nihin ah kan pekmi hna a phungbia hna le a phunglam hna le a nawlbia hna hi nan zulh lonak thawngin Bawipa nan Pathian cu nan philh sual nakhnga lo, i ralring tuah u;

DEUTERONOMI 6:12

khi tikah Izipt ram, sal cannak inn a simi chung khan, an chuahpitu Bawipa kha na philh sual nakhnga lo, i ralring tuah.

JOB 8:12

An par liopi le pheh an cut hlanah Ramkung dang hna hlanah tuan deuh ah an car.

SALM 112:10

Miṭhalo pawl nih khan hihi an hmuh i an ing a puang, an hacang lawng an rial ko; an rak i ruahchanmi kha pakpalawng ah a can dih bantuk khan annih zong an lo ve.

PHUNGTHLÛKBIA 11:7

Miṭhalo cu a thih tikah aa ruahchanmi vialte cu amah sinah khan an lo, rumnak i bochan cu zeihmanh a ṭhahnem lo.

SALM 1:4

Sihmanhsehlaw miṭhalo cu hi bangin an si lo, Thli nih a chawihmi favai bantuk an si.