JOB 5:7 - Lai (Hakha) Common Language Bible 2006

⁷ Sihmanhsehlaw meici cu cunglei ah a choi phung a si bantukin, Minung cu harnak hmu dingin hrin a si.

JOB 5:7 Խաչաձեւ Հղումներ

JOB 14:1

“Nu hrinmi minung paoh cu a chan a tawi i harnak in a khat.

1 KORIN 10:13

Tukforhnak nan cung i a tlungmi hi midang zong nih an in cio tawnmi an si ko. Pathian nih a biakamnak cu a zulh ko lai i nan in khawh leng tiangin tukforhnak cu nan cungah a tlunter lai lo. Tukforhnak nan in tikah in khawhnak thazang an pek hna lai i chuah khawhnak lam zong an serpiak hna lai.

PHUNGCHIMTU 2:22

Rethei le zaangbang in ni toiah na ṭuanmi vialte chung hin zeidah na ngeih?

PHUNGCHIMTU 1:8

Zeizong vialte hi thadi le zaangbang an si dih, holh in chim khawh hmanh an si lo; mi nih hin hmuh hi cim ti a ngei lo i hna nih hin theih hi khim ti a ngei ve lo.

JOB 7:1

“Vawleicung ah hin mi nih rian har a ngei a si lo mei? Cun a ni hna hi hlanchom sinum ni bantuk an si ko lo maw?

PHUNGCHIMTU 2:23

Na nun chung paohpaoh ah cun na tuahmi thil paoh nih hin lungfahnak le lung retheihnak dah ti lo cu zeihmanh an pekmi a um lai lo. Zan hmanh ah na ruahnak kha na dinhter kho lo. Mah zong hi pakpalawng a si ko.

JEREMIAH 20:18

Zeicahdah ngaihchiatnak le retheihnak lawng hmuh awkah le Ka chan cu ningzahnak lawngin hman awkah Ka nu paw chungin ka rak chuah hnga?

SALM 90:10

Kan chan cu kum sawm sarih a si ko, kan thazang a ṭhawn deuh le sawm riat a si; cu hmanh ah retheihnak le harnak lawng kha kan ing, kan nunnak cu a dih zau i kan lo.