JOB 5:21 - Lai (Hakha) Common Language Bible 2006

²¹ Congoihnak a um tikah a phaw an chonkanh lai i Rawhralnak kha a rat tikah na ṭih awk a herh lai lo.

JOB 5:21 Խաչաձեւ Հղումներ

SALM 31:20

Mi nih thah an timh hna caah na thlam chungah khan na thuh hna i an ral pawl nih an nihsawh khawh hna nakhnga lo na thla tangah na chiah hna.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

PHUNGTHLÛKBIA 12:18

Ruah set loin chimmi bia nih cun nam chunh bangin mi a chunh, sihmanhsehlaw mifim bia nih cun hma kha a damter.

SALM 55:21

A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

SALM 57:4

Mi seh hmang chiandeih hna lakah ka it, an ha cu fei le thal bantuk an si, an lei cu kawngthun har bantuk an si.

JOB 5:15

Sihmanhsehlaw ngakṭah hna cu an kaa chung khan a khamh hna i Mipam hna cu a ṭhawngmi hna kut chung khan a khamh hna;

PHUNGTHLÛKBIA 3:25

Mihrut mi hna cung i a tlungmi launak ruangah khan na thin va phang hlah; miṭhalo cung i a tlungmi rawhralnak ruang zongah khan na thin va phang hlah;

SALM 31:21

Bawipa cu thangṭhat ko u! Ka ral nih an ka kulh i an ka tuk tikah a dawtnak cu khuaruahhar in ka cungah a langhter.