JOB 5:13 - Lai (Hakha) Common Language Bible 2006

¹³ Mifim hna cu anmah zernak lila ah khan a foih hna i Mihrokhrawl hna timhtuahnak cu khulrang in a dong.

JOB 5:13 Խաչաձեւ Հղումներ

1 KORIN 3:19

Zeicahtiah hi vawlei nih fimnak i a ruahmi cu Pathian hmaiah cun pakpalawng a si. Cathiang nih, “Pathian nih mifim hna cu an zernak lila ah khan a foihter hna,” tiah a ti bang hin a si taktak.

LUKA 1:51

A ṭhawngmi a ban kha a samh i miruamkai hna kha an khuakhanmi he a ṭhek dih hna.

SALM 18:26

A thiangmi sinah na thiang i asinain miṭhalo cu na huat hna.

ESTHER 9:25

sihmanhsehlaw Esther cu siangpahrang hmaiah a rat tikah, Judah mi hna cung i ṭhat lonak khua a khan mi kha amah lu cungah tla in amah le a fapa hna cu thlainak ah thlai an si nakhnga, caṭial in nawlbia kha a chuah.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

2 SAMUEL 15:31

Cun David cu, “Ahithophel kha ralthli khua a khangtu hna lakah Absalom sinah aa tel ve,” tiah an chimh. Cun David nih, “Maw Bawipa, Ahithophel khuaruah thiamnak cu hruhnak ah canter ko sawh, tiah kan nawl,” tiah a ti.

PHUNGTHLÛKBIA 3:32

Zeicahtiah mi lungthin ṭhalo cu Bawipa caah fihnung an si i miding mi cu Pathian nih a zumhmi an si.

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

2 SAMUEL 15:34

Sihmanhsehlaw khua chungah na va kir i Absalom cu, ‘Maw siangpahrang, na sal ka si ko lai; kan hnulei caan ah na pa sal ka si bantuk khan atu cu nangmah sal ka si lai,’ na va ti ahcun, Ahithophel khuakhannak kha na ka teipiak lai.

JOB 15:5

Na ṭhat lonak nih na chimmi bia hi an chimter i Hlennak hi naa thimmi holh a si.

JOB 37:24

Cucaah mi nih amah cu an ṭih; Amah le amah ka fim, tiah aa timi cu zei ah a rel hna lo,” tiah a ti.

JEREMIAH 8:8

Zeitindah, ‘Kannih cu kan fim i Bawipa phungbia kha kan ngei’ nan ti khawh? Cazi hna nih pei an hlennak cafung in lih ah an ser cang hi.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

NAMBAR 22:25

Cun laa nih Bawipa vancungmi kha a hmuh tikah, hau cu a hei en i Balaam ke cu hau ah khan a rial chih; cucaah a tuk ṭhan.

SALM 9:17

Miṭhalo vialte hna le Pathian a hlawmi vialte an donghnak cu thihnak a si.

ISAIAH 19:3

Izipt mi an khuakhannak kha ka tuai lai i an lung ṭhawnnak kha ka zorter lai. An siasal kha, kan bawm u, tiah an ti hna lai; khuavang kha zeitindah kan um lai tiah an hal hna lai i mithi thlarau kha ruahnak kan cheu u tiah an ti hna lai.

ISAIAH 44:25

Kut ṭial zohthiam kha mihrut ah ka canter hna i arfi zohthiam nih an chimchungmi kha pakpalawng ah ka canter. Mifim hna fimnak bia cu pakpalawng ah ka ser i an fimnak cu hruhnak a si kha ka langhter.

JEREMIAH 8:9

Nan mifim hna cu ningzahnak an phan, An lung aa tuai i chikkhatte ah khulrang tein thil hngalh khawhnak fimnak an ngeihmi kha an thlau cang. Bawipa bia cu zei ah an rel ti lo, An fimnak cu zei bantuk fimnak dah a si?

JEREMIAH 9:22

Cun Bawipa nih hi bangin a ti: Mithi mi an ruak hna cu lo lakah ek bantukin an ril liangluang lai i Rawlṭuantu hna nih an ṭuan hnu i an kaltakmi rawl, ahohmanh nih an pumh ṭhan ti lomi bantuk khi an si lai.

JEREMIAH 49:7

Hihi Edom kong ah Ralkapbu Bawipa nih a chimmi cu a si: Teman ah fimnak a um ti lo maw? A mifim hna kha ruahnak cheuh an thiam ti lo maw? An fimnak kha a thu cang maw?