JOB 42:12 - Lai (Hakha) Common Language Bible 2006

¹² Cun Bawipa nih Job cu a chan a donghlei kha a thawk lei nakkhan thluachuahnak tam deuh in a pek i tuu thong hleili, kalauk thong ruk, cawtum tuah thong khat le laapi thong khat a ngei.

JOB 42:12 Խաչաձեւ Հղումներ

JOB 8:7

Cun naa thawknak cu hme hmanh seh law, na donghnak lei cu a ngan lai.

PHUNGCHIMTU 7:8

Thil donghnak hi a hramthawknak nakin a ṭha deuh; lung a saumi hi aa porhlawmi nakin a ṭha deuh.

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

GENESIS 24:35

Bawipa nih ka bawipa cu thluachuahnak tampi a pek i mi lianngan pakhat ah a ser. Tuurun le mehehrun le caw le sui le ngun le salnu le salpa le kalauk le laa kha a pek hna.

JOB 1:3

Cun tuu thong sarih, kalauk thong thum, cawtum tuah za nga, cun laapi za nga le sinum tam ngaingai a ngei; cucaah hi pa cu nichuahlei mi vialte lakah a lianngan bik a si.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

SALM 107:38

A mi kha thluachuah a pek hna i fa tampi an ngei, an saṭil run kha a lohtlauter hna lo.

DEUTERONOMI 8:16

ramlak chungah khan nan pupa hna nih an hngalh lomi manna in an cawm hna, a donghnak ah nannih cu ṭhatnak tuahpiak awkah an hneksak hna i thluachuahpek awkah an ṭhumh hna.

JEIM 5:11

Annih nih an in khawh cah, lunglawmmi kan ti hna. Job lungsaunak kha nan theih i Pathian nih a donghnak ah a pek ṭhannak kong kha nan theih. Bawipa cu zaangfahnak le zawnruahnak in a khatmi a si.

JOB 1:10

Amah le a inn le a ngeihmi vialte cu hau in na kulh hna lo maw? Nangmah nih a kut rianṭuannak cu thluachuah na pek i ram chungah hin a ngeihmi thil cu an karh.

EZEKIEL 36:11

Nan cungah minung tampi le saṭil tampi ka phun hna lai; annih cu an karh lai i tefa tampi an ngei lai. Nannih cu hlanlio nakin tam deuh le rum deuh ah kan ser hna lai. Cuticun Bawipa ka si kha nan hngalh lai.

GENESIS 32:14

Mehehpi za hnih le mehehtum pa kul, tuupi za hnih le tuutum pa kul,

JOB 1:2

Amah nih cun fapa pasarih le fanu pathum a hrin hna.