JOB 40:11 - Lai (Hakha) Common Language Bible 2006

¹¹ Na thinhunnak cu chuahter law aa porhlawmi paoh cu zoh hna law ṭhum hna.

JOB 40:11 Խաչաձեւ Հղումներ

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

ISAIAH 2:17

Cun minung porhlawtnak cu a dong lai i minung ruamkainak cu a rawk lai. Cu ni a phak tikah cun Bawipa lawnglawng kha hlorh a si lai i

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

JEIM 4:6

Sihmanhsehlaw Pathian pekmi vel cu cu nak hmanh cun a ṭhawng deuh chinchin. Cathiang nih a ti bangin, “Pathian nih aa porhlawmi cu a doh hna i mi toi i aa dormi kha vel a ngeih hna.”

LUKA 18:14

Hihi kan chimh hna: Farasi mipa kha si loin hi pa tu hi a sualnak ngaihthiam in inn ah a ṭinmi cu a si. Zeicahtiah amah le amah aa ngantermi cu ṭhumh an si lai i mi tangah aa dormi cu mi ngan ah ser an si lai,” tiah a ti.

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

EZEKIEL 28:2

“Mipa, Tair bawi sinah cun va chim law, hihi Bawipa Pathian bia a si, va ti: Porhlawt ruamkainak in naa thawh i, ‘Kei cu pathian ka si, Rilipi cungah pathian bantukin bawiṭhutdan cungah ka ṭhu,’ na ti. Nang cu minung na si ko i pathian na si lo nain pathian tluk ah naa ruat.

ISAIAH 42:25

Cucaah cun a thinhun ṭhawnnak kha a kan inter i ral hremnak kha a kan tuarter. Israel mi hna lakah a thinhunnak cu mei alh in a alh, sihmanhsehlaw zei thil dah a um ti kha kan hngal lo, kan i cawn khawhmi zong zeihmanh a um fawn lo.

SALM 144:6

Nimtlau kha a kenkip ah lekter hna law na ral kha ṭhek dih hna; na thal in kap hna law zam dih hna seh!

JOB 27:22

Zaangfahnak um loin a hranh i a ṭhawnnak nih khan heh tiah a den chih.

JOB 20:23

Pathian nih a cungah a thinhunnak cu a tlunter ciammam i Harnak cu ruah sur in a surter.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.

EXODUS 18:11

Atu cu Bawipa hi pathian vialte hna lakah a ngan bik a si tiah ka hngalh; Izipt mi hna nih Israel mi cungah huatnak in rian an ṭuan tikah hi bantukin a tuah caah khan, a ngan bik a si cu ka hngalh,” a ti.

EXODUS 15:6

Bawipa, na orhlei kut a ṭhawngmi cu khuaruahhar a si; ral pawl kha a den cikcek hna.

JOB 4:9

Pathian thaw in an rawk i A thinhunnak in a chem hna thawngin an kang dih.

JOB 21:30

Pathian cu a thin a hun i mi kha dan a tat hna tikah, a luatmi cu miṭhalo ṭheo an si ko.

ISAIAH 22:19

Bawipa nih na rian in an phuah lai i a sangmi na umnak hmun khan an ṭhumh lai, tiah va chim,” a ka ti.

ISAIAH 23:9

Ralkapbu Bawipa a si! An tuahmi an i porhlawtnak kha donghter awkah le upatmi an mi hna kha ningzahnak ah phakter awkah Bawipa nih hi thil hi a tuah.

ISAIAH 25:11

Ti aa liomi nih ti an i lio tikah an kut an samh bantuk khin annih zong nih an kut an samh ve lai, sihmanhsehlaw an ke an chaih fate an i porhlawtnak nih khan an kut cu tanglei ah a hnuh lengmang hna lai.

ISAIAH 26:5

Aa porhlawmi cu a ṭhumh hna, an umnak khua ṭhawng kha a hrawh i a kulhnak vampang cu a chimh hna i leidip lakah an tlu.

JEREMIAH 48:29

Moab porhlawtnak kha kan theih cang, aa porhlaw taktak ko — Aa uahnak le aa porhlawtnak le a ruamkainak le a lungpuamnak kha kan theih.

DANIEL 4:24

“Maw siangpahrang, a sullam cu hihi a si: Siangpahrang ka bawipa cung i a tlung ding a chimtu hi Cung Nung Bik Pathian a si.

NAHUM 1:8

Tilian nih thil a hrawh bantukin a hrawh hna i Sihmanhsehlaw amah a dohtu a ral hna cu khuamui chungah a dawi hna.

JOB 9:5

Tlang cu a ṭhial hna i a thinhun in a leh hna tikah an hngal lo;

SALM 94:2

Nangmah cu mi vialte bia a ceihtu na si, tho law miporhlaw kha hmuh awk an i tlakmi dantatnak kha pe hna.