JOB 4:19 - Lai (Hakha) Common Language Bible 2006

¹⁹ Cucaah tlak inn ah khua a sa i a hram cu leidip a si i Pelep bangin a man khomi cu zeitluk in dah a ti chinchin hna lai.

JOB 4:19 Խաչաձեւ Հղումներ

JOB 10:9

Tlak in na ka ser kha philh hlah; Leidip ah maw na ka canter ṭhan lai?

GENESIS 2:7

Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.

JOB 33:6

Pathian mithmuh ahcun, kei zong nangmah bantukte ka si ko; Tlak pei khat ceo ka si ve ko.

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

2 KORIN 4:7

Asinain hi thlarau rothil a kengtu kannih hi tlak um bantuk men kan si, cu nih cun thil ti khawhnak ṭhawnnak hi kanmah ta si loin Pathian ta a si ti kha a langhter.

SALM 39:11

Minung cu a sualnak kha dantat awkah na sik tikah. a iang vialte kha a lo dih, minung hi thaw menmen a si taktak ko. Selah

JOB 13:28

Amah cu a ropmi saphaw bantuk, Rungrul nih a eimi puan bantuk a si.

JOB 13:12

Nan phungthlukbia hna cu vutcam phungthlukbia an si, Nan i runvennak hna cu tlak runvennak men an si.

GENESIS 18:27

Abraham nih khan a hun i thawh ṭhan i, “Kei cu leidip le vutcam si ko hmanh ning law, Bawipa, nangmah cu ngamh ngaiin kan chawnh hi ka ngaithiam ko.

1 PETER 1:24

Cathiang nih a ti bangin, “Mi vialte cu ram bantuk an si, An sunparnak vialte cu ramlak pangpar bantuk a si; Ram cu a thi i pangpar cu a ṭil,

2 KORIN 5:1

Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.

PHUNGCHIMTU 12:7

Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.

SALM 146:4

An thih tikah leidip ah an kir ko; cu ni ah cun an khuakhannak vialte cu an dong fawn ko.

JOB 22:16

An caan a tlin hlanah lak an si i an hram cu tilian nih a fenh hna.

JOB 14:2

Pangpar bangin a hung par i a uai ṭhan ko; Thladem bangin a tli i aa peh lo.

JOB 25:6

Zeitluk in dah tholung ceo a simi minung cu a si chinchin lai i, Cangcel ceo a simi mifapa cu a si chinchin lai,” tiah a ti.