JOB 39:5 - Lai (Hakha) Common Language Bible 2006

⁵ Siria ram i ramlak laa hna cu aho nih dah an duhduh in a tlonter hna? Arabia ram i ramlak laa hna cu aho nih dah luatnak a pek hna?

JOB 39:5 Խաչաձեւ Հղումներ

JOB 24:5

Cucaah misifak cu thetse ram ah rawl kawl in a vak lengmangmi laa bantukin tuan tein a tho, Sihmanhsehlaw khuamuih tiang a ṭuan nain a fale cu rawl ṭam in an um ko.

JOB 11:12

Sihmanhsehlaw ramlak laa fa cu minung in a chuah tik ceo ah Mihrut cu an fim te lai.

JOB 6:5

Ramlak laa cu ram a ṭam lioah a awn bal maw? Cawtum tah ramrawl a ei lioah a paw bal maw?

SALM 104:11

Ramlak saram kha ti din awk an pek hna i ramlak laa nih khan an tihal riam in an din hna;

HOSEA 8:9

Ramlak i a lemi laa bantukin an lung a ṭhawng i anmah tining lawngin kal an duh. Assiria kha bawmhnak va hal awkah an kal. Israel mi nih hin huhphenhnak hmuh awkah, miphun dang sinah khan an i zuar cang.

DANIEL 5:21

Amah cu minung hna sin khan ṭhawl a si i a lungthin cu saram lungthin bantuk ah khan a cang, ramlak laa hna sinah khan khua a sa i cawtum bantukin ram kha a ei i a pum cu van dap nih cin cikcek in a tlak, cuticun Cung Nung Bik Pathian cu minung pennak cungah hin bawi a si i cu pennak a pengtu dingah cun a duhmi paoh kha a chiah hna ti a hngalh hlantiang, cuticun a um.

JEREMIAH 14:6

Ramber a um lo caah ramlak laa hna cu tlangpar hmunkawng ah khan an dir i Cenghngia bangin an lei an i chak i an thaw a ha i an mit a mui.

JEREMIAH 2:24

Ramlak ah amah lawngin a le i A phol tikah a hnar in pa rim a kawlmi bantuk na si! A duhnak ahcun aho nih dah an kham khawh lai? A kawltu hna nih khan an tha i batter len duh hna hlah seh; A phol thla ah cun fawi tein hmuh khawh a si ko lai.

ISAIAH 32:14

Siangpahrang inn hmanh kha chuahtak a si lai i an ram chung khualipi kha zamtak a si lai. Ral vennak inn hna le umnak inn hna cu saram kua an si zungzal cang lai. Khika ah ramlak laa kha an i chawk lai i tuu kha an tlong lai.

GENESIS 49:14

“Issakhar cu a ṭhawngmi laa a si, asinain a thil phorhmi tom hnih hna karlak ah khan a bawk.

GENESIS 16:12

Sihmanhsehlaw na fapa cu ramlak laa bantuk a si lai, a mi kip kha a doh hna lai i mi kip nih khan an doh ve lai. A rualchan hna umnak in lamhlapi ah khua a sa lai,” a ti.

JOB 39:4

An fano tete cu an hung ṭhan i ramlak sawhsawh ah khan an tlon i an kal i kir ṭhan ti loin an tlah kha zeitik ah dah a si na hngal maw?

JOB 39:10

Amah cu lei rinkuar rinnak ah hri na banh khawh lai maw? Na hnu in lei rinkuar cu leitlang den in a run ngetter hna lai maw?