JOB 36:3 - Lai (Hakha) Common Language Bible 2006

³ A ka Sertu a ding tinak kha ka chim tikah hin Ka bia bawmtu hi lamhlat piin ka va khawmh hna lai.

JOB 36:3 Խաչաձեւ Հղումներ

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

DANIEL 9:14

Bawipa kan Pathian, nangmah nih na tuahmi thil vialte cu a hmaanmi a si i kannih cu nangmah bia a ngai lomi kan si caah nangmah nih kannih dantat awk kha naa tim i dan cu na kan tat taktak.

DANIEL 9:7

Maw Bawipa nangmah cu na ding zungzal ko i kannih cu kan dihlak in kan tuahmi cu ningzak a si zungzal ko — Judea ram chungah a ummi le Jerusalem khua chungah a ummi si u sih, ram hla ah siseh, ram nai ah siseh, na kan ṭhekmi si u sih, nangmah sinah zumhawktlak loin khua a sami kan si ko.

SALM 145:17

Bawipa cu thil a tuahnak paoh ah hin ding tein a tuahmi a si, rian a ṭuannak paoh ah hin zaangfahnak a ngeimi a si.

SALM 11:7

Bawipa cu a ding i tuahsernak ding kha a duh, mi dingmi nih a hmai kha an hmuh lai.

JOB 32:8

Sihmanhsehlaw Pathian thlarau cu minung chungah a um i Lianngan Bik thaw nih hngalhnak cu a pek hna.

JOB 8:3

Pathian nih biading cu a merh bal maw? Asiloah, Lianngan Bik nih a dikmi cu a merh bal maw?

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.

ROM 9:14

A si ahcun Pathian cu a ding lo kan ti kho lai maw? Ti kho hlah.

MATTHAI 12:42

Biaceih Ni ah cun Thlanglei Siangpahrangnu kha a dir lai i sual an phawt hna lai, zeicahtiah anih cu vanhramdeng in a ra riangmang i Solomon fimnak kha a hung zoh; atu hi Solomon nakin a ngan deuhmi hika ah hin a um,” tiah a ti hna.

JEREMIAH 12:1

Maw Bawipa, nangmah cu na din caah bia kan al lai, Na hmaiah ka bia cu ka rak chuahpi ko lai. Zeicahdah mi ṭhalo hna cu khuaawng an ton i hlen hmangmi hna cu nuam tein khua an sak?

JOB 37:23

Lianngan Bik cu kannih nih kan hmu kho lo; Amah a ṭhawnnak cu kannih nih kan hngalh khawh leng a si, A dinnak cu biading tuah awkah khan a khul a nuar lo.

JOB 34:5

Zeicahtiah Job nih aa thawh i, ‘Kei cu sualnak ka ngei lo i Pathian nih ka dinnak kha a ka lakpiak;

JOB 32:2

Khi tikah Buz mi Barakhel fapa Elihu, Ram innchungkhar chung mi a simi kha a thin a hung. Job cungah cun a thin a hung, zeicahtiah Pathian nakin amah kha a ding deuh ah aa ruat i cun

JOB 4:17

‘A thi khomi minung hi Pathian hmaiah cun a ding kho maw? Minung hi a Sertu hmaiah a thiang kho maw?

JOB 36:2

“Tlawm tein ka ing rih law ka hmuhsak lai, Pathian lei kap in tlawmte chim awk ka ngei rih.