JOB 31:3 - Lai (Hakha) Common Language Bible 2006

³ Vanchiatnak nih hin miding lomi a tlunhnawh hna lo maw? Chiatnak nih hin ṭhat lonak a tuahtu a tlunhnawh hna lo maw?

JOB 31:3 Խաչաձեւ Հղումներ

JOB 21:30

Pathian cu a thin a hun i mi kha dan a tat hna tikah, a luatmi cu miṭhalo ṭheo an si ko.

JOB 34:22

Thil ṭhalo tuahtu hna an i thuh khawhnak dingah Thihnak thladem a um lo i a thukmi muihnak zong a um lo.

JUDAS 1:7

Cun Sodom le Gomorrah le an pawngkam i a ummi khua hna kha philh hna hlah u. Cu khua mi hna nih cun, kha vancungmi hna bantuk khan, nu le pa sualnak kha an tuah i hawi ningkel hmanh in an tuah lo. Annih nih mei hremnak kha zungzal in an huah i cucu mi vialte ca in ralrin peknak a fiang komi thil a si.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

2 THESALON 1:9

Bawipa cu a mi hna lakah sunparnak hmuh awkah a rat i a zummi vialte nih an hlorh ni, cu Ni lianngan ah cun, annih cu zungzal rawhralnak dantatnak kha an huah lai, Bawipa hmaika khan dawi an si lai i a liannganmi a ṭhawnnak kha an hmu lai lo. Sihmanhsehlaw nannih cu kan in chimhmi hna bia kha nan zumh caah sunparnak a pe i a hlorhtu hna lakah cun nan i tel ve lai.

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

ROM 9:22

Cu bantuk ṭhiamṭhiam in Pathian tuahmi zong cu a si ko. A thinhunnak le a ṭhawnnak kha langhter a duh. Sihmanhsehlaw a thin a huntertu hna, hrawh awk a simi hna cungah khan lungsaunak a ngei.

MATTHAI 7:13

“Kutka bi chungah cun lut tuah u, zeitintiah Hell ah a kalmi lam cu a kau i a fawi i mi tampi nih an zulh.

ISAIAH 28:21

Perazim Tlang le Gibeon nelrawn ah Bawipa nih ral a rak tuk hna bantuk khan, aa timhmi tuah awkah an tuk hna lai i cu a tuahmi cu khuaruahhar ngai a lo ko lai nain an tuk taktak ko hna lai. A rian cu a lim lai i cu a rian cu khuaruahhar ngaingai a si.

PHUNGTHLÛKBIA 21:15

Bia cu ding tein ceih a si tikah miding mi hna caah lawmhnak a si, sihmanhsehlaw thil ṭhalo tuahtu hna caah cun vansang auhnak a si.

PHUNGTHLÛKBIA 10:29

Bawipa nih a sual lomi cu a huhphenh hna, sihmanhsehlaw ṭhat lonak a tuahmi cu a hrawh hna.

PHUNGTHLÛKBIA 1:27

Launak nih thlichia bangin an den hna tik le Nan vanchiatnak cu phuchim bangin a rat i Harnak le vansang aunak nih an tlunhnawh hna tikah, a nih in kan nih men ko hna lai.

SALM 73:18

Lam nal ah na chiah taktak hna i rawhralnak chungah na tlakter hna.

SALM 55:23

Sihmanhsehlaw Bawipa, nangmah nih lainawng mi hna le lihchim mi hna cu vawlei tang khor thukpi ah khin an chan ṭim hlanah na thlak hna lai. Kei tu nih cun nangmah kha kan bochan lai.

NAMBAR 16:30

Sihmanhsehlaw, Bawipa nih thil thar zeimaw a ser i vawlei nih a kaa a an i an ngeihmi thil vialte he a dolh hna i Sheol ah a nung in an vung kal ahcun, cu tikah cun nannih nih mah hna nih hin Bawipa kha an zawmhtaih tiah nan hngalh lai,” tiah a ti.

JOB 18:12

A rak ṭhawng ngaingai nain, atu cu ṭihnak in a zeng ko. A pawng in vanchiatnak nih a dirhnawh ko.

JOB 20:29

Mah hihi miṭhalo nih Pathian sinin a hmuhmi covo cu a si, amah ca i ro a ruahpiakmi cu a si,” tiah a ti.

JOB 21:17

“Miṭhalo cu a mei a mit bal maw? Vanchiatnak an tong bal maw?

JOB 31:23

Pathian ṭihnak cu ka cungah a um i a lianhngannak cu ka ṭih caah hi thil cu ka tuah ngam hna lo.

BIACEIHTU 9:53

Cun nu pakhat nih rialnak lung a cunglei khin Abimelek cu a lu ah a vun cheh i a lu cu a kuai.

2 SAMUEL 18:10

Cun mipa pakhat nih a hmuh i Joab kha a chimh i, “Zohhmanh, Absalom cu kuhthing kung ah aa thlai ko,” tiah a ti.