JOB 30:1 - Lai (Hakha) Common Language Bible 2006

¹ “Sihmanhsehlaw atu cu keimah nakin a no deuhmi hna nih cawhdeh awkah an ka nih, An pale hna cu ka tuurun cawngtu uico hna tluk fang i ka rak relmi an hei si ko ṭung hnga.

JOB 30:1 Խաչաձեւ Հղումներ

JOB 12:4

Ka hawile hmanh nih an ka nihsawh, Sihmanhsehlaw Pathian nih a ka leh caan cu a um ve ko; Miding le soi awk um lo ka si nain an ka nihsawh.

LUKA 23:35

Judah mi hruaitu pawl nih an nihsawh i, “Midang cu a khamh hna, amah cu Pathian nih a thimmi Messiah a si ahcun amah le amah kha i khamh kun ngat seh,” tiin an ti lioah khan zapi nih cun an dir i an zoh ko.

SALM 69:12

Zatlang lam ah ka kong an ka ceih i zuri nih hla an ka phuah

2 SIANGPAHRANG 2:23

Cuka cun Bethel ah a hung kal; a hung kalpah ah khin, ngakchia tlawmpal kha, cu khua chung khan an ra chuak i amah cu an nihsawh i, “Lu kolh pa, hung kal tuah! Lu kolh pa, hung kal tuah,” tiah an hauh.

TITAS 1:12

“Krit mi cu milihchim, saram bantuk, mithathu, mi-orkhu,” tiah anmah Krit mi lila nih a rak ti hna i

LAMKALTU 17:5

Sihmanhsehlaw Judah mi kha an nah a chuak i khualak i a vak sawhsawhmi zeiruaramlo minung pawl kha an pumh hna i cu hna cu an au an khuang i khua kha a ning piin hnahnawhnak an tuah. Jason inn kha an va nam i an i ruahnak ah cun khika ah khan Paul le Silas kha an rak um lai i mizapi hmaiah kan chuahpi hna lai an ti.

LUKA 23:39

Cuka i aa thlai vemi misual pakhat nih cun Jesuh cu a nihsawh i, “Messiah cu na si kun lo maw? Nangmah cu i khamh law kannih zong kan khamh ve ngat?” tiah a ti.

LUKA 23:18

Mizapi cu an au ciammam i, “Amah cu that ko. Bar-Abbas tu kan thlahpiak,” tiah an ti.

LUKA 23:14

“Hi pa hi ka sinah nan ratpi i mizapi kha a pingah a hruai hna, nan ti. Atu cu amah kha nan hmaiah ka kher i thil ṭhalo a tuah tiah nan puhmi vialte kha pakhat hmanh a tuah tiah ka hmu kho lo.

MARKA 14:65

Cun mi cheukhat nih Jesuh cu cil an chak i a mit an huh i an bengh. “Ahodah an beng, kan chim tuah,” an ti. Cun ralvengtu pawl nih khan an kalpi i an bengh.

ISAIAH 3:5

Pakhat le pakhat an i rial lai. Mino nih upa kha an hmaizah hna lai lo i zeiruaramlo pawl nih khan an cung mi kha zeihmanh ah an rel hna lai lo.

JOB 30:2

Annih cu an tha a ṭum cang caah a ṭhawngmi an baan cu ka caah zeidah an ṭhathnem?

SALM 119:51

Mi porhlaw hna nih an ka zawmhtaih, sihmanhsehlaw kei cu na phunglam kha ka kaltak lo.