JOB 3:14 - Lai (Hakha) Common Language Bible 2006

¹⁴ Hlanlio siangpahrang inn hna a remh ṭhantu siangpahrang hna le bawi hna bang khan kaa hngilh diam cang hnga.

JOB 3:14 Խաչաձեւ Հղումներ

JOB 15:28

Sihmanhsehlaw cu khua hna le inn hna cu ral nih a hrawh ṭhiamṭhiam hna lai.

EZEKIEL 26:20

khor thukpi chungah a kalmi hna sinah khan kan nam chih lai i hlan lio pi in a thi lengmangmi hna sinah khan kan thlak lai. Vawlei tangah, zungzal in a kingmi hmun ah cun kan umter lai, khor thukpi chung i a vung kalmi hna sinah cun kan umter ve lai. Cucaah zeitikhmanh ah na chungah mi an um ṭhan ti lai lo i a nungmi hna ram chung zongah khan naa tel ti lai lo.

ISAIAH 58:12

Saupi a rawk cangmi nan inn le nan lo kha nan mi nih cun an remh ṭhan hna lai i hmasa a hlun hram ah khan an bunh ṭhan hna lai. A kuaimi thil kha a remh i a rawkmi inn kha a sa ṭhantu, ti nannih cu nan si lai,” a ti hna.

ISAIAH 5:8

Nan lo cang! Nan ngeih cia ah khan inn thar le lo thar lawng nan i chap chin luaimai ko. Midang caah hmun a dih zau cang lai i ram chungah hin nanmah pi lawng khua nan sa lai.

PHUNGCHIMTU 8:8

Ahohmanh thi loin a um kho lai lo, a thih ni zong kha a thawn kho pek fawn lai lo. Raltuknak a tlun tikah cun luatnak a um lo, lihchim in kan luat kho lai lo.

SALM 89:48

Ahodah thi loin a nung zungzal kho lai? Zeitindah mi nih cun thlan cu a hrial khawh lai? Selah

SALM 49:14

Tuu bantukin a thi dingin ruah an si cang i an tuukhal cu thihnak a si lai. Miding mi nih khan zinglei ah an tei hna lai i mithi hna ram ah an pum cu a thu a man lai, cuka cu an inn in aa hlatmi hmun a si lai.

JOB 30:23

Minung a simi paohpaoh ca i na chiahmi hmun, thihnak ah cun na ka kalter lai ti kha ka hngalh.

JOB 12:17

Fimchimtu pawl kha mihrut bantukin a umter hna, Biaceihtu pawl kha mihrut ah a ser hna.

1 SIANGPAHRANG 11:43

Cun Solomon cu a pupa hna sinah a it i a pa David khua ah khan an vui; cun a fapa Rehoboam kha amah hmun ah cun a hung bawi.

1 SIANGPAHRANG 2:10

Cun David cu a pupa hna sinah a it i David khua ah khan an vui.

JOB 12:18

Siangpahrang cu a ṭhumh hna i thongtla ah a ser hna.

ISAIAH 14:18

Vawlei cung siangpahrang dang vialte cu an thlan dawhdawh chungah khan an it hna,

ISAIAH 22:16

A ka thawh i, “Aho ah dah naa rel? Tlangpang lungpang ah khan zeicahdah thlan pakhat naa ser?