JOB 27:14 - Lai (Hakha) Common Language Bible 2006

¹⁴ Fa cu a ngeih ko hna lai, sihmanhsehlaw vainam in an thi lai; Cun a tefa hna cu rawlṭam in khua an sa lai.

JOB 27:14 Խաչաձեւ Հղումներ

DEUTERONOMI 28:41

Fapa hna le fanu hna cu nan hrin hna lai, sihmanhsehlaw nanmah ta an si lai lo, zeitintiah sal ah an hruai hna lai.

LUKA 23:29

Zeicahtiah mi nih, ‘Fa a ngei bal lo i fa a hring bal lo i fa hnuk a din bal lomi nu hna cu an van a va ṭha dah,’ an ti caan a phan lai.

JOB 20:10

A fale hna nih khan, sifakmi hna sinin a firmi kha an cham ṭhan lai, A kut hrimhrim nih a lakmi chawva cu an khirh ṭhan hna lai.

SALM 109:13

A tefa vialte cu thi dih hna seh law hmai chan ah cun a min cu philh dipdep si seh.

JOB 15:22

Muihnak chungin luatnak ding ruahchannak a um lo, Amah cu vainam nih khan hmun khatkhat in a orh peng ko.

ESTHER 5:11

Cun annih cu Haman nih a rumnak sunparnak le a fapa zeizat an si le siangpahrang nih rian kainak le upatnak a pekmi vialte le siangpahrang bawi hna le sinum vialte hna cung i a chiahnak kha a relh ṭhan hna.

1 SAMUEL 2:5

A khim tawnmi cu rawl kawl ah kuli an ṭuan, Sihmanhsehlaw a ṭam tawnmi cu an ṭam ti lo. A cingmi nih pasarih a hrin cang hna. Sihmanhsehlaw fa tampi a ngeimi kha cihai in a um.

DEUTERONOMI 28:32

Nan fapa hna le nan fanu hna cu miphun dang kha pek an si lai; chun nitlak in anmah ngaih ah nan mit hram fak in khua nan cuan lai, sihmanhsehlaw zeihmanh nan tuah kho ṭung lai lo.

JOB 4:11

Seh awk le ei awk a hmu ti lomi chiandeih bantukin an thi i An fale cu an i ṭhek dih.

JOB 18:19

A mi hna lakah tefa siseh, ciruang siseh, a ngei hna lo; A rak umnak tawn vawlei ah khan a nung in a rohmi an um lo.

SALM 109:10

A fale cu inn ngei loin a vak lengmangmi rawlhal si hna seh; thilchia hlonhnak ah khan um hna seh law, cu an umnak hmun hmanh cun ṭhawl si rih hna seh.