JOB 26:7 - Lai (Hakha) Common Language Bible 2006

⁷ Pathian nih van puan cu pakpalawng cungah khin a zam i Vawlei cu zeihmanhlo chungah a thlai.

JOB 26:7 Խաչաձեւ Հղումներ

JOB 9:8

Amah nih van cu a samh hna i rili tilet hna cu a lamh hna.

ISAIAH 40:22

Vawlei leng le van pin i a bawiṭhutdan cung i a ṭhumi nih khin vawlei cu a ser; a cung i a ummi hna cu khaubawk bantuk men an si. Van cu puanzar bantukin a zam i mi umnak thlam bantukin a samh.

ISAIAH 42:5

Pathian nih van khi a ser hna i a samh hna; vawlei le a cung i a ummi thilnung vialte kha amah nih a ser hna; vawlei cung i a ummi vialte kha nunnak le thaw a pek hna. Cu Bawipa Pathian nih cun a sal cu a thawh i,

SALM 24:2

Rili cungah vawlei cu a dirter i a hram cu rili thuk chungah khan a bunh.

ISAIAH 40:26

Van khi zoh tuah u! Nan hmuhmi arfi khi aho nih dah a ser hna? Ralkapbu bantukin a hruaitu hna nih khin a ser hna; zeizat an si kha a hngalh i an dihlak in an min in a auh hna! A ṭhawnnak cu a lianngan hringhran ko — pakhat hmanh an tlau bal lo!

JOB 38:6

A dohtu a tung pipi hna cu zei cungah dah an dir? Deirel arfi hna cu hmunkhat ah hla an sak i Pathian fapa vialte hna lunglawm in an au tikah khan, Aho nih dah a killung kha a bunh?

SALM 89:12

nangmah nih Chaklei le Thlanglei kha na ser hna, Tabor Tlang le Hermon Tlang nih lunglawmhnak in hla in an in thangṭhat.

ZEKHARIAH 12:1

Chimmi bia: Mah hihi Israel kongah Bawipa nih a chimmi bia cu a si, Bawipa cu van kha a samh i vawlei kha a ser i minung chungah thlarau a sertu kha a si.

SALM 89:13

Zeitluk in dah na lianhngan! Zeitluk in dah na ṭhawn!

ISAIAH 40:21

Nan hngal rih lo maw? Nan thei rih lo maw? Hlan piin an rak in chim cang hna lo maw? Vawlei cu zeitindah hram aa thawk ti kha nan thei bal lo maw?