JOB 22:14 - Lai (Hakha) Common Language Bible 2006

¹⁴ A chahmi khuadawm cu a mit nih a hlan kho hna lo i Van kuai cungah khin a kenkip ah aa chawk len ko,’ na ti.

JOB 22:14 Խաչաձեւ Հղումներ

SALM 97:2

Khuadawm le muihnak kha a velchum in an um; a pennak cu dinnak le biading cungah a hram a bunh.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

SALM 33:14

A uknak hmun khin a run kan zoh i vawleicung mi vialte hi a kan hmuh dih.

JOB 34:22

Thil ṭhalo tuahtu hna an i thuh khawhnak dingah Thihnak thladem a um lo i a thukmi muihnak zong a um lo.

JOB 26:9

Thlapa hmai cu a huh i a cungah cun a khuadawm kha a zamter.

ISAIAH 40:22

Vawlei leng le van pin i a bawiṭhutdan cung i a ṭhumi nih khin vawlei cu a ser; a cung i a ummi hna cu khaubawk bantuk men an si. Van cu puanzar bantukin a zam i mi umnak thlam bantukin a samh.

AMOS 9:6

Pathian nih a hlei cu van tawng in a ser hna i Van cu vawlei cungah siling bantukin a khuh; Pathian nih cun rili ti cu a kawh hna i vawlei cungah a thlet hna. Amah a min cu Bawipa a si.