JOB 22:12 - Lai (Hakha) Common Language Bible 2006

¹² “Pathian cu van ah khin a sannak bik ah a um a si lo maw? A sang bik arfi hmanh khi chuk zoh in a vun zoh hna.

JOB 22:12 Խաչաձեւ Հղումներ

PHUNGCHIMTU 5:2

Bia na chim hlanah i ruat hmasa, cun Pathian sinah hnawnam in biakamnak ser hlah. Pathian cu vancung ah a um i nang cu vawlei ah na um, cucaah a herhmi hlei in zeihmanh va chim hlah.

JOB 11:8

Van nakkhin a sang deuh — zeidah na tuah khawh lai? Sheol nakin a thuk deuh — zeidah na hngalh khawh lai?

ISAIAH 66:1

Bawipa nih aa thawh i, “Van hi ka ṭhutnak a si i vawlei hi ka ke chiahnak a si. Cucaah zei bantuk inn dah nan ka sakpiak khawh lai i ka umnak ding caah zei bantuk hmun dah nan ka serpiak khawh lai?

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

SALM 115:16

Vancung khi Bawipa ta a si, sihmanhsehlaw vawlei hi cu, mi kha a pek hna.

SALM 115:3

Kan Pathian cu vancung ah khin a um i a duhmi paoh kha a tuah ko.

JOB 11:7

Pathian thil thuk hna cu na hmuh khawh hna maw? Lianngan Bik ṭhawnnak a donghnak cu na hmuh khawh maw?

JOB 35:5

Van khi hei zoh law ruat tuah, Nangmah cungpi i a ummi khuadawm khi zoh tuah hna.

PHUNGCHIMTU 5:1

Biaknak inn na kal ah hin i ralring. Cu ka i na va kal tikah zeidah kaa cawn khawh lai ti kha ruat deuh, cucu ahmaanmi thil le ahmaan lo mithil a thleidang kho lomi mihrut hna nih an pekchanhmi raithawinak nakin a ṭha deuh.