JOB 22:11 - Lai (Hakha) Common Language Bible 2006

¹¹ Ceunak cu mui ah canter a si i cucaah khua na hmu kho lo, tilian nih an khuh.

JOB 22:11 Խաչաձեւ Հղումներ

ṬAHNAK HLA 3:54

Ti nih ka lu a ka phum i ‘Ka donghnak a phan cang,’ tiah ka ti.

JONAH 2:3

A thuknak hmun, rili tawne ah khan na ka hlonh i ti nih khan a ka kulh dih, Na tilet ṭhawngṭhawng hna cu ka cungin an kal.

JOB 19:8

Ka lam kha vampang a ka chonkanh i cucaah ka lan kho lo, Ka lam ah muihnak kha a chiah.

MATTHAI 8:12

Sihmanhsehlaw Vancung Pennak chung i a um ding a simi hna tu kha cu, khualeng muihnak ah hlonh an si lai i cuka ah cun an ṭap lai i an hacang an rial lai,” tiah a ti.

ṬAHNAK HLA 3:2

Keimah hi a ka kalpi i Ceunak a um lonak muihnak chung i a ka kaltakmi cu ka si.

ISAIAH 8:22

Vawlei an bih lai, sihmanhsehlaw harnak le muihnak dah ti lo cu zeihmanh an hmu lai lo; cu muihnak cu muihnak ṭihnung a si i cu chungah cun an lut cuahmah ko. Hi harnak caan chung hin luatnak lam an caah zeihmanh a um lai lo.

PHUNGTHLÛKBIA 4:19

Miṭhalo hna lam cu zan muihnak bantuk a si, Zei cungah dah kan tluk i kan rilh ti kha an hngal lo.

SALM 42:7

Tithuk nih tithuk kha a chawnh; Pathian tisor cu a huk in an huk! Annih cu ka nunnak a leh chihtu ngaihchiatnak tilet an si.

JOB 38:34

Nangmah cu ruahpi ban ngaw nih an surh nakhnga, khuadawm khi nawl na hun pe kho hnga maw?

JOB 18:18

Amah cu ceunak in muihnak ah nam a si i minung umnak vawlei cungin dawi a si.

JOB 18:6

A thlam chungah ceunak cu a mui i a chung i a meiinn cu a mit.

JOB 5:14

Chun ah muihnak he an i tong i Chunlai ah zan bantukin an i dap lengmang.

JOB 11:16

Na harnak cu na philh lai i tilian a lanmi bantuk ceo khin na cinken lai.

JOB 24:18

“Cu bantuk mi hna cu ti cung i buanbara bantuk an si; An comi hmun cu chiatserhmi hmun a si i an mitsur lo ah ahohmanh an kal duh lo.