JOB 20:18 - Lai (Hakha) Common Language Bible 2006

¹⁸ A rianṭuan man theitlai hna cu dolh manh loin a khirh ṭhan hna lai i A chawlehnak miakmi in nuamhnak zeihmanh a hmu lai lo.

JOB 20:18 Խաչաձեւ Հղումներ

JEREMIAH 51:44

Babilon ah Bel cu dan ka tat lai i A dolhmi kha ka chakter ṭhan lai; Miphun hna cu amah sinah khan an ra tungmang ti lai lo, Babilon kulhnak vampang cu a cim cang;

JEREMIAH 22:13

Dinlonak in a inn a sa i Hlennak in a inn cungdot khaan hna kha a ser i Man loin a rammi kha rian a ṭuanter i An ṭuan man nihlawh a pe duh lomi cu A cungah ningzahnak tlung ko seh.

PHUNGTHLÛKBIA 1:12

Sheol bantukin an nung na bu in dolh hna u sih; Sualnak an ngei lo nain khor chung i a vung kalmi hna bantuk khi si hna seh.

JOB 20:15

Rumnak cu a dolh i a luak ṭhan, Pathian nih a paw chungin a chuah ṭhan.

JOB 20:10

A fale hna nih khan, sifakmi hna sinin a firmi kha an cham ṭhan lai, A kut hrimhrim nih a lakmi chawva cu an khirh ṭhan hna lai.

MATTHAI 23:24

Lam hruaitu mitcaw hna. Fikfa kha kan i din chih sual lai tiah, heh tiah nan zet, asinain kalauk kha nan lemh ṭung!

MATTHAI 23:13

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna. Vancung Pennak cu mi kha nan kharkanh hna, asinain nanmah cu nan lut duh ṭung lo i luh a duhmi zong kha nan awnh fawn ṭung hna lo.

JEREMIAH 51:34

Zion i a ummi hna nih, Babilon siangpahrang Nebukhadnezzar nih a kan ei i car dihlak in a kan dawp, Um lawng bantukin a kan toh. Rulpi bangin a kan dolh, Kan sa thawthaw in a paw cu a khahter i a kan luak.

JEREMIAH 22:17

Sihmanhsehlaw nang cu miaknak dah ti lo ahcun mit na ngei lo, Zei dang ruat loin miaknak lawnglawng kha na ruat. A sual lomi thisen chuah khawh nakding le Hremnak le zaang-ennak tuah khawh nakding lawng kha naa ruah chih, tiah a ti.

JOB 31:29

Ka ral nih fahnak an in tikah kaa lawm bal lo, rawhralnak an ton tikah, diriam in ka um bal lo;

JOB 31:25

Ka chawva a tam caah le ka rumnak a karh caah kaa lawm i

JOB 20:5

Miṭhalo lawmhnak cu tawite lawng a si i Pathian zei ah a rel lomi thanuamnak cu caan tawite lawng a si.

AMOS 8:4

“Sifakmi kha a rialchih i retheimi kha a ramhmi hna, hihi ngai tuah u;

HOSEA 9:1

Israel mi hna, lawkih mi bantukin puai nan tuahmi hi ngol u. Zeicahtiah nan Pathian cu nan hlawt i a cungah khan zumhawktlak loin nan um. Nan ram chung dihlak ah hin hlawhhlangnu bantukin Baal sinah nan i zuar i an phalhmi hna rawl kha nan i lawmhpi.

EZEKIEL 7:12

Caan cu a tlung cang, cu ni cu a phan cang; cawtu zong i lawmh awk a si lo, zuartu zong i ngaihchih awk a si hlei lo, zeicahtiah an i tuai le an i hmalnak cungah khan a dihlak in ka thin a hung.

ṬAHNAK HLA 2:16

Na ral vialte hna nih khan an in nihsawh: An in cekcekhnawh i an hacang an in rial hnawh i, Aa, hika hi kan phan cang, Hi ni hi pei kan rak ngan lengmangmi kha a si cu; Kan hmuh taktak cang hi ta,’ an ti.

JOB 27:17

Aa hruk-aihtu cu miding kha an si lai i, Sualnak a ngei lomi nih a ngun cu an i phaw lai.

JOB 31:8

Ka tuhmi cu midang nih ei hna seh law ka cinthlakmi cu phawi si ko seh.

PHUNGTHLÛKBIA 21:20

Mifim umnak ah cun ro le rah kha a tang, sihmanhsehlaw mihrut nih cun nih cun a sawksam dih.

DEUTERONOMI 28:30

Nupi nan ham lai i midang nih an ihpi lai; inn nan sak lai i nan umnak lai lo; mitsur dum nan ser lai i a theitlai cu nan ei lai lo.

DEUTERONOMI 28:33

Nan hngalh lomi miphun nih nan vawlei le nan rianṭuanmi theitlai cu an ei dih lai i, nannih cu hrem le lamhchih lawng nan si lai;