JOB 2:8 - Lai (Hakha) Common Language Bible 2006

⁸ Cun amah le amah i huahnak ah peipahau kha aa lak i vutcam lakah a ṭhu.

JOB 2:8 Խաչաձեւ Հղումներ

JOB 42:6

Cucaah keimah le keimah cu kaa hua i leidip le vutcam lakah ṭhu in kaa ngaihchih,” tiah a ti.

JONAH 3:6

Cu thawng cu Nineveh khua siangpahrang nih a rak theih tikah a bawiṭhutdan cung khan a tho i a siangpahrang puan kha aa phoih i buri kha aa aih i vutcam lakah a ṭhu.

EZEKIEL 27:30

Na cung i a tlungmi thil kong kha an thanh lai i Fak piin an ṭap lai; An lu ah leidip kha an i phulh i vutcam kha an i theh.

MATTHAI 11:21

“Khorazin khua, na caah ngaihchia a va si dah. Bethsaida khua zong na caah ngaihchia a va si dah. Nan chung i khuaruahharnak ka tuahmi vialte hi Tair le Sidon khua ah rak tuah hna ning law, cu khua mi hna cu puanchia i aih le vutcam i phulh in an i ngaihchih diam cang hnga!

JEREMIAH 6:26

Maw ka mi hna fanu, buri i aih law vutcam i phulh tuah; Fapa ngeih chunte a thih i an ṭah bantukin fak piin ṭap tuah, Zeicahtiah a kan hrawktu ding nih a kan tuk dengmang cang.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

SALM 38:7

Ka tak cu fak piin a lin i zual ngaiin ka zaw.

SALM 38:5

Ka hruh caah ka hma cu a thu i a man.

2 SAMUEL 13:19

Cun Tamar nih cun a lu ah vutcam aa phulh i a ban a saumi a angki fual aa hrukmi cu a thleh i a lu cungah a kut kha aa chuan i a kal, a kalpah cun thang piin a ṭappah lengmang.

JOB 2:9

Cun a nupi nih amah cu a thawh i, “Na tlinnak cu fek tein naa tlaih peng ko rih lai maw? Pathian cu vawlpam law thi ko cang,” tiah a ti.

ESTHER 4:1

An tuahmi vialte cu Mordekai nih a hngalh tikah a puan kha a thleh hna i buri kha a aih i vutcam kha aa phulh, cun khualai ah khan aa chawk i fakpi le lunghno ngaiin a ṭap.

ESTHER 4:3

Cun siangpahrang nawlbia le biakhiahnak a phaknak peng paohpaoh ah khan Judah mi caah ṭahnak a um i rawl an ul i an ṭap i an ngaih a chia i a tam deuh cu buri an i aih i vutcam an i phulh.