JOB 2:7 - Lai (Hakha) Common Language Bible 2006

⁷ Cuticun Bawipa hmaika cun Satan cu a chuak i fih a nungmi hma in Job cu a kechik in a luthlung tiang a hrem.

JOB 2:7 Խաչաձեւ Հղումներ

DEUTERONOMI 28:35

Bawipa nih nan khuk le nan ke ah a fakmi khuaihli an tlunhter hna lai i damh khawh nan si lai lo, nan kechik in nan luthlung tiang an tuah hna lai.

ISAIAH 1:6

Nan kechik in nan luthlung tiang, nan pum cungah hin khuazei hmanh ah damnak a um lo, hma le rung in nan khat dih. Nan hma cu an in ṭawlpiak hna lo i an in tuampiak hna lo. Si zong an in thuhpiak hna lo.

JOB 30:30

Ka cuar cu an nak dih i an kok, ka pum cu ni lin nih a ka kangh.

DEUTERONOMI 28:27

Bawipa nih Izipt ram khuaihli le tawlhmat le cuarhmat le thakpherh in an hrem hna lai i damh khawh nan si lai lo.

BIAPHUAN 16:11

cun fahnak le hmachia an in ruangah khan vancung Pathian cu an thangchiat. Asinain an lam ṭhalo kha an kaltak hlei lo.

ISAIAH 3:17

Sihmanhsehlaw dan ka tat cang hna lai — an lu ka meh hna lai i lu kawng in ka chiah hna lai,” a ti.

JOB 7:5

Ka titsa cu tholung le hmunthur nih an tuam i Ka cuar cu a car i a kek ṭhan tawn.

1 SIANGPAHRANG 22:22

Cun Bawipa nih, ‘Zei in dah na lem lai?’ tiah a ti. Cun anih nih, ‘Ka va kal lai i a profet vialte hna kaa chungah nal thlarau ka va si lai,’ tiah a ti. Cun anih nih, ‘Na va lem hrimhrim lai i na lem khawh taktak lai; va kal law cu bangin va tuah,’ tiah a ti.

2 SAMUEL 14:25

Israel mi vialte lakah dawh leiah Absalom tlukin thangṭhat awk aho hmanh an um lo; a kechik in a luthlung tiang soisel awk pakhat hmanh a um lo.

JOB 2:6

Cun Bawipa nih Satan cu a thawh i, “Zohhmanh, amah cu na kut chungah a um, a nunnak bel zuah ko,” tiah a ti.

JOB 13:28

Amah cu a ropmi saphaw bantuk, Rungrul nih a eimi puan bantuk a si.

JOB 1:11

Sihmanhsehlaw atu cu na kut hei chuah law a ngeihmi thil vialte khi tawng tuah ngat, na hmai hrimhrim ah an vawlhpamh ko lai,” tiah a ti.