JOB 19:9 - Lai (Hakha) Common Language Bible 2006

⁹ Ka sunparnak cu a ka hlih i ka bawi luchin cu ka lu cungin a lak.

JOB 19:9 Խաչաձեւ Հղումներ

SALM 89:44

A bawifung kha na lakpiak i a bawiṭhutdan cu vawlei ah na hrilh.

ṬAHNAK HLA 5:16

Pangpar ṭhirual cu kan lu cungin an tla cang; Harnak nih a kan khuh cang, misual kan si caah.

SALM 89:39

Na sal sin i bia na kammi cu na hrawh i a bawiluchin cu leidip lakah na hlonh.

HOSEA 9:11

Israel sunparnak cu va bangin a zuang lai i Annih nih fa an hring ti lai lo; Pumlawnglo in a ummi nu an um ti lai lo i fa pawi zong an um ti lai lo.

ISAIAH 61:6

Nang tu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

JOB 30:1

“Sihmanhsehlaw atu cu keimah nakin a no deuhmi hna nih cawhdeh awkah an ka nih, An pale hna cu ka tuurun cawngtu uico hna tluk fang i ka rak relmi an hei si ko ṭung hnga.

JOB 12:17

Fimchimtu pawl kha mihrut bantukin a umter hna, Biaceihtu pawl kha mihrut ah a ser hna.

JOB 12:19

Tlangbawi pawl cu puan loin a kalpi hna i A ṭhawngmi cu a thluk hna.

JOB 16:15

Ka cuar huhnak caah puanchia kaa ṭhit i ka samtom cu leidip chungah ka nawh.

PHUNGTHLÛKBIA 27:24

Zeicahtiah rumnak hi zungzal in a hmun lo i Bawi luchin zong hi chan vialte tiangin a hmun kho lai lo.

SALM 89:40

A khua kulhnak cu na chimh dih hna i a ralhau cu rawk relrul in na kaltak hna.