JOB 19:5 - Lai (Hakha) Common Language Bible 2006

⁵ Sihmanhsehlaw nannih cu keimah nak ṭha deuh ah nan i ruat i Harnak ka inmi hi, a sual ruangah a si, nan ti.

JOB 19:5 Խաչաձեւ Հղումներ

SALM 55:12

A ka nihsawhtu hi ka ral si seh law cu, ka in khawh ko hnga, ka cung i tluang a khawng lentu hi a ka dohtu kha si seh law cu, a ka hmuh khawh lonak hmun ah ka thuhtak diam ko hnga;

SALM 38:16

Harnak ka in ruangah ka ral hna hi diriam in umter hna hlah, ka tluk hi an i porhlawtnak ah canter hlah.

SALM 35:26

Ka nganfah innak i a di a riammi kha sung cikcek hna seh law khuaruahhar vansang au in um hna seh; amah nakin kan ṭha deuh aa timi kha ningzahnak le hmaichiatnak nih zual hna seh.

JOHAN 9:34

“A nangmah sual in hrin i sual in cawmmi nih hin maw kanmah cu cawnpiak na hei kan timh,” tiah an ti i pumhnak inn khan an ṭhawl.

JOHAN 9:2

A zultu hna nih khan, “Mitcaw in a chuahtertu hi aho sualnak dah a si? Amah sualnak maw a si a nu le a pa sualnak dah?” tiah an hal.

LUKA 1:25

A thawh i, “Atu cu a donghnak ah Bawipa nih hi tlukin maw a ka bawmh! Zapi hmai i ka ningzahnak cu a ka lakpiak cang,” tiah a ti.

ZEKHARIAH 12:7

David tefa sunparnak le Jerusalem khua chung ummi hna sunparnak nih khan Judah sunparnak cu a lonh nakhnga lo, Bawipa nih Judah chungkhar hna kha a luatter hmasa bik hna lai.

ZEFANIAH 2:10

Ralkapbu Bawipa mi kha an serhsat hna i an zawmhtaih hna caah, mah hihi an i porhlawtnak lehrulhnak cu a si lai.

MIKAH 7:8

Maw ka ral hna, ka cungah nan diriam hlah u; Ka tlu cang, sihmanhsehlaw ka tho ṭhan lai; Atu cu muihnak chungah ka um, sihmanhsehlaw Bawipa nih ceunak a ka pek lai.

ISAIAH 4:1

Cu caan a phak tikah nu pasarih nih pa pakhat kha an tlaih lai i, “A cawm cu kanmah tein kan i cawm ko lai i hnipuan zong kanmah tein kan i damh ko lai, sihmanhsehlaw mah lawng khuasak ningzah hi kan luat khawh nakhnga nangmah cu kan va, in ti ko u sih,” an ti lai.

SALM 41:11

Cu tikah ka cungah na lung aa lawm ti le ka ral nih an ka tei lai lo ti kha ka hngalh lai.

NEHEMIAH 1:3

Cun annih nih an ka thawh i, “Saltannak chungin a luatmi khika ram i a nung rihmi hna cu harnak nganpi chung le ningzahnak chungah an um ko; Jerusalem kulhnak vampang hna cu an cim dih i a kutka hna cu mei nih a hrawh dih hna,” an ti.

1 SAMUEL 1:6

Cun Bawipa nih a nau inn a khar caah khan amah a engtaitu nih khan amah cu a thin hunter awkah ṭhalo tein a ti hram tawn.

JOB 19:4

A palh hmanh hei palh ning law ka palhnak cu keimah cungah pei a si ko lai cu.

SALM 55:13

sihmanhsehlaw hi bantukin ka cungah rian a ṭuantu cu ka hawi, ka rianṭuan hawi le keimah he aa naih ngaimi ka hawikom na si tikah hin a fak tuk hringhran in ka thei.