JOB 15:8 - Lai (Hakha) Common Language Bible 2006

⁸ Pathian pumhnak chung biathli cu na thei bal maw? Nangmah lawng hi maw minung fimnak a ngeimi cu na si?

JOB 15:8 Խաչաձեւ Հղումներ

ROM 11:34

Cathiang nih, “Bawipa cu aho nih dah a lungthin an hngalh? Aho nih khin dah ruahnak an cheuh khawh?

JEREMIAH 23:18

Sihmanhsehlaw annih lakah ahodah Bawipa khuakhannak chungah aa tel i Aho nih dah a bia kha a theih? Annih lakah aho nih dah a bia cu an ngaih i an zulh?

1 KORIN 2:16

Cathiang nih, “Bawipa cu aho nih dah a lungthin an hngalh? Amah cu aho nih dah ruahnak an cheuh khawh?” a ti bangin a si taktak. Sihmanhsehlaw kannih cu Khrih lungthin a ngeimi kan si.

JOHAN 15:15

Nannih cu sinum kan ti ti hna lo, zeicahtiah sinum nih cun a bawipa tuahmi kha a hngal lo. Sihmanhsehlaw ka Pa sinin ka theihmi vialte kha kan chimh dih hna caah, ka hawile, ti tu ah kan ti cang hna.

MATTHAI 13:35

Hiti in a chimh hna cu, profet nih a rak chimmi tlinternak caah khan a si. Profet nih a rak chimmi cu: ‘An sin i bia ka chim tikah tahchunhnak bia ka hman lai; Vawlei ser hramthawk in hngalh bal lomi thil cu ka chimh hna lai,’ ti hi a si.

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

AMOS 3:7

Bawipa Pathian nih aa tinhmi kha, a sal profet hna theihter hmasa loin zeihmanh a tuah bal lo.

PHUNGTHLÛKBIA 3:32

Zeicahtiah mi lungthin ṭhalo cu Bawipa caah fihnung an si i miding mi cu Pathian nih a zumhmi an si.

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

JOB 29:4

Ka chan lailing i ka rak si bantuk khan; Pathian nih ka inn cu a rak huhphenh i

JOB 12:2

“Biangai tein, nanmah hi pei mifim cu nan rak si hi, Fimnak tling cu nanmah nih pei nan rak ngeih hi!

JOB 11:6

Fimnak hi thap tampi a um i Minung fimnak nih a phak khawh lomi thil thuk an um ti kha an chimh hnga. Pathian nih na sualnak a cheu cu hmu duh loin an umpiak kha hngal tuah.

DEUTERONOMI 29:29

“Aa thupmi thil hna cu Bawipa kan Pathian ta an si; sihmanhsehlaw hi phungbia vialte hi kan tuah khawh nakhnga, phuanmi thil hna cu kanmah le kan fale hna ta zungzal in an si.

ROM 11:33

Pathian hi a va rum hringhran dah! A fimnak le a hngalhnak hi an va thuk hringhran dah! Biakhiahnak a tuahmi hi aho nih dah a sullam an purh khawh lai? A thil tining hi aho nih dah an hngalh khawh lai?