JOB 14:5 - Lai (Hakha) Common Language Bible 2006

⁵ A ni hna cu relpiak an si i A thla hna cu zeizat an si kha nangmah nih na hngalh; Nangmah nih a lonh khawh lomi ramri kha na serpiak.

JOB 14:5 Խաչաձեւ Հղումներ

SALM 39:4

“Bawipa, zei can dah ka nun rih lai? Zei tikah dah ka thih lai? Zeitluk tuan ah dah ka nunnak hi a dongh lai ka chim tuah,” ti hi hal loin ka um kho lo.

LAMKALTU 17:26

Minung pakhat chungin miphun vialte kha a ser hna i vawlei cungah hin khua a sakter hna. A hlankan in an caan le an umnak hmun kha a khiahpiak hna.

HEBRU 9:27

Minung hi voi khat kan thi lai i cu hnuah cun Pathian nih bia a kan ceih lai.

JOB 12:10

A sermi thil vialte an nunnak a uktu cu Pathian a si i Minung thaw cu a kut chungah a um.

SALM 104:29

Naa mer tikah an awlok a chong, na thaw kha na tlaihkanh hna tikah an thi i an chuahkehnak vawlei ah khan an kir ṭhan.

JOB 21:21

Minung cu a nunnak a dongh tikah cun, a fale an run i lawmh le lawmh lo cu zei ah a rel taktak ti hnga maw?

LUKA 12:20

Sihmanhsehlaw Pathian nih a thawh i, ‘Mihrutpa, tuzan hrimhrim ah hin na nunnak cu an in lakpiak a hau lai; cucaah nangmah ca i na khonmi thilri vialte hi aho nih dah a co kun lai?’ a ti,” tiah a ti.

DANIEL 5:26

Cun a lehnak cu hihi a si: Mene ti cu Pathian nih na pennak ni cu a rel cang hna i a donghnak a phakter cang hna, ti a si;

SALM 104:9

an lonh khawh lomi ramri kha na chiah i vawlei kha an khuh ṭhan kho ti lo.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

JOB 14:14

Cucaah ka rian cu zeitluk in a sau hmanh ah ka lung a dong lai lo i Ka luatnak ding cu ka rak hngah ṭhiuṭheo ko lai.

JOB 7:1

“Vawleicung ah hin mi nih rian har a ngei a si lo mei? Cun a ni hna hi hlanchom sinum ni bantuk an si ko lo maw?

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.

DANIEL 5:30

Cu zan hrimhrim ah cun Khaldi mi hna siangpahrang Belshazzar cu thah a si i Media mi Darius nih pennak kha a lak, Darius cu kum sawm ruk le kum hnih a si.

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.

DANIEL 11:36

Siria siangpahrang nih cun a duhmi paoh cu a tuah ko lai, aa hlorh lai i aa porh lai i pathian dang vialte cungah khan aa chia lai i pathian vialte hna Pathian kha ṭhalo in a vawlhpamh lai. Pathian nih dan a tat hlantiang cu a hlawhtling lengmang ko lai, zeicahtiah Pathian nih tuah awkah a ruah cangmi cu a tuah ko lai.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

SALM 31:15

Ka caan cu na kut chungah a um dih, ka ral hna kut chungin ka khamh law a ka hremtu hna kut chungin ka khamh tuah.

SALM 139:16

Ka chuah hlan in na rak ka hmuh diam cang. Ka ca i na sermi ni hna cu na cauk chungah an rak i khumh diam cang, hram an i thawk hlan hmanh khan an i ṭial diam cang.

PHUNGCHIMTU 3:2

Hrin caan a um, thih caan a um; cin caan a um, phawi caan a um;

1 SAMUEL 26:10

Cun David nih, “Bawipa nih a nun bangin, Bawipa nih a thah te ko lai; a si lo ah a thih ni cu a phan te ko lai; a si lo ah raltuknak hmun ah a kal lai i a lo tlau te ko lai.

JOB 16:22

Zeicahtiah ka kir ṭhan ti lai lo nakding lam ka zulhnak dingah hin Kum tlawmte lawnglawng a duh ko.

PHUNGCHIMTU 8:8

Ahohmanh thi loin a um kho lai lo, a thih ni zong kha a thawn kho pek fawn lai lo. Raltuknak a tlun tikah cun luatnak a um lo, lihchim in kan luat kho lai lo.