JOB 14:1 - Lai (Hakha) Common Language Bible 2006

¹ “Nu hrinmi minung paoh cu a chan a tawi i harnak in a khat.

JOB 14:1 Խաչաձեւ Հղումներ

JOB 5:7

Sihmanhsehlaw meici cu cunglei ah a choi phung a si bantukin, Minung cu harnak hmu dingin hrin a si.

PHUNGCHIMTU 2:23

Na nun chung paohpaoh ah cun na tuahmi thil paoh nih hin lungfahnak le lung retheihnak dah ti lo cu zeihmanh an pekmi a um lai lo. Zan hmanh ah na ruahnak kha na dinhter kho lo. Mah zong hi pakpalawng a si ko.

JOB 25:4

A si ahcun, zeitindah Pathian hmaiah minung cu a din khawh lai? Nu chungin a chuakmi cu zeitindah a thian khawh lai?

JOB 7:1

“Vawleicung ah hin mi nih rian har a ngei a si lo mei? Cun a ni hna hi hlanchom sinum ni bantuk an si ko lo maw?

GENESIS 47:9

Jakob nih cun, “Ka vahvaih chung hi kum za le sawm thum a si cang. Hi kum hna hi a harmi kum an si. Ka pupa hna an vahvaih kum he tuak chun ahcun tlawmte a si ko,” tiah a leh.

MATTHAI 11:11

Hihi i cinken hmanh u: nu chungin a chuakmi lakah vawlei cungah hin Johan tlukin a nganmi ahohmanh an um lo; sihmanhsehlaw Vancung Pennak chung i a ummi hna lak i a hme bik hmanh Johan nakin a ngan deuh.

SALM 51:5

Sual cia in hrin ka si, ka nu nih a ka pawi ah khan, misual ka si cang.

JOB 15:14

Minung cu zeidah a si i a thian khawh lai cu? Nu hrinmi fa cu zeidah a si i a din khawh lai cu?

JOB 9:25

“Ka ni hna cu a tlimi nakin an khul a rang deuh, An liam i ṭhatnak zeihmanh an hmu lo.

JOB 7:6

Ka ni hna cu thiamtaktu thiampheifung nakin an khul a rang deuh i An donghnak cu ruahchannak zeihmanhlo he an phan.

PHUNGCHIMTU 2:17

Cucaah nunnak hi ka caah sullam zeihmanh a ngei lo. Zeicahtiah harnak dah ti lo cu zeihmanh a ka pekmi a um lo. Pakpalawng men a rak si ko. Thlitu men ka rak dawi ko.

SALM 39:5

Ka nunnak hi zabok can men ah na ser! Nang na mit ah cun ka nun chung hi zei karlote bantuk a si ko. Minung hi voi khat thaw chem tluk men an si dih taktak ko;

GENESIS 3:17

Cun Adam cu a thawh i, “Na nupi bia na ngaih i ei hlah kan timi thei kha na ei caah vawlei hi nangmah ruangah chiatserh a si lai. Na ei khim rawl hmuhnak dingah na nun chung fak piin rian na ṭuan a hau lai.

JOB 10:20

Ka nun chung ni hi an tlawm ko lo maw? Ka va kal i ka kir ti lonak ding thihnak thladem le a thukmi muihnak ram i ka kal hlanah hin, Hnangamnak tlawmte tal ka hmuh nakhnga, keimah um tein ka umter ko tuah.

SALM 89:47

Bawipa, minung cu a nunnak hi zeitluk in dah a tawi ti kha philh hlah; mi vialte cu a thi dingin na kan ser dih kha philh hlah!

JEREMIAH 20:18

Zeicahdah ngaihchiatnak le retheihnak lawng hmuh awkah le Ka chan cu ningzahnak lawngin hman awkah Ka nu paw chungin ka rak chuah hnga?

2 SIANGPAHRANG 4:19

Cun a pa cu a thawh i, “Maw ka lu, ka lu!” tiah a ti. A pa nih a sinumpa kha, “A nu sinah hei cawi tuah,” tiah a ti.

JOB 8:9

Kannih cu nizan mi ceote kan si ko i zeihmanh kan hngal lo, Zeicahtiah vawleicung kan ni hna cu thladem men an si ko.

JOB 25:5

Zohhmanh, a mithmuh ah thlapa hmanh khi a tling lo i arfi hna hmanh khi sual lo an si lo;

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.