JOB 13:18 - Lai (Hakha) Common Language Bible 2006

¹⁸ Mah hihi fiang tein hngal tuah u: ka bia cu ka chim hnu hnuah cun ka luat lai ti kha ka hngalh ko.

JOB 13:18 Խաչաձեւ Հղումներ

JOB 23:4

A hmaiah khan ka bia cu ka va chim hnga i Ka bia cu tlamtling tein ka va chim ko hnga.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

ISAIAH 43:26

Biaceihtu zung ah chuak tuah u sih, taza nan ka cuainak cu rak chuahpi tuah u, kanmah hi kan hmaan, nan ti khawhnak dingah nan bia cu hun chuahpi tuah u.

JOB 16:21

Mi nih a hawipa caah nawlnak a tuah bantukin, Pathian a ka nawlpiaktu um seh law ka duh ko,

JOB 9:20

Suallo si hmanh ning law, keimah kaa lila nih sual a ka phawt ko lai; Soi awk um lo si hmanh ning law, amah nih cun lamtlau a ka ti khawh ko lai.

JOB 6:29

Ruat rih hmanh u, dinlonak cu ka cungah tuah si hin ti hlah seh, Cun ka ṭhatnak cu zumh lo bantukin um a si caah hin, ruat rih hmanh u.

JOB 9:21

Soi awk um lo ka si ko, sihmanhsehlaw ka caah zeidah a ṭhahnem? Nun hi a ka nor tuk cang.

JOB 12:4

Ka hawile hmanh nih an ka nihsawh, Sihmanhsehlaw Pathian nih a ka leh caan cu a um ve ko; Miding le soi awk um lo ka si nain an ka nihsawh.

JOB 13:17

Ka bia cu ṭhate in ngai hna u law, Ka fianternak bia hi nan hna chungah um hna seh.

JOB 27:6

Ka bia a ding ti kha fek tein kaa tlaih lai i, ka thlah bal lai lo; Ka nun chung paohpaoh ahcun, kaa thleng bal lai lo.

JOB 32:1

Job nih amah aa hmuhnak ah cun miding ka si aa ti peng caah hi mi pathum hna nih hin a bialeh cu an ngol.

JOB 33:9

‘Ka thiang, sualpalhnak ka ngei lo, soiselnak ka ngei lo i ṭhat lonak ka chungah a um lo.

JOB 34:5

Zeicahtiah Job nih aa thawh i, ‘Kei cu sualnak ka ngei lo i Pathian nih ka dinnak kha a ka lakpiak;