JOB 13:14 - Lai (Hakha) Common Language Bible 2006

¹⁴ Ka sa cu ka ha in kaa seh lai i ka nunnak cu ka kut in kaa put lai.

JOB 13:14 Խաչաձեւ Հղումներ

BIACEIHTU 12:3

Cun nan ka chuah duh lo ti kha ka hmuh tikah, thih le thih tiin, Ammon mi hna doh awkah khan ka kal i Bawipa nih annih cu ka kut chungah a ka pek hna; cucaah, zeicaah hen dah, keimah doh awkah nihin ah nan ka rathnawh?” tiah a ti hna.

SALM 119:109

Nifate thinphang zungzal in ka um ko, sihmanhsehlaw na nawlbia cu ka philh lo.

PHUNGCHIMTU 4:5

Kut i sih i rawlṭam in thih ko cu hruh a si, an ti.

JOB 18:4

Nangmah nih cun, keimah hi ka hmaan, na ti; Hi na timi hi ahmaan taktak ti nakding caah, Vawlei hi chuahtak dih i lung hna hi an umnak hmun in ṭhial dih maw a herh lai?

1 SAMUEL 28:21

Cun nu kha Saul sinah cun a ra i a thin a phang ngaingai ti kha a hmuh tikah amah cu, “Zohhmanh, na salnu nih na bia kha ka rak in ngaih; thih le thih tiin keimah na rak ka chimhmi kha ka rak in ngaih.

1 SAMUEL 19:5

thih le thih tiin Filistin mipa kha a tuk i Israel mi vialte caah Bawipa nih teinak nganpi a tuah. Na rak hmuh i na rak i lawm; cucaah cun, zeicahdah, zeiruanglo i David thahnak thawngin zeihmanh a sual lomi thisen cungah sualnak na tuah kun lai?” tiah a ti.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

ISAIAH 9:20

Ram chung khuazakip ah an hmuhmi rawl paoh kha an i cuh i an ei, sihmanhsehlaw an khim hlei lo. Anmah an fale lila hmanh kha an ei hna!