JOB 13:11 - Lai (Hakha) Common Language Bible 2006

¹¹ A lianhngannak nih khan nan thin an phanter hna lo maw? Amah ṭihnak nih cun an tlunhnawh hna lo maw?

JOB 13:11 Խաչաձեւ Հղումներ

SALM 119:120

Nangmah kan ṭih caah a ther in ka ther, na biakhiahmi hmaiah cun khuaruahhar in ka dir.

JOB 31:23

Pathian ṭihnak cu ka cungah a um i a lianhngannak cu ka ṭih caah hi thil cu ka tuah ngam hna lo.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

JEREMIAH 10:10

Sihmanhsehlaw Bawipa cu Pathian taktak a si, Pathian nung le zungzal Siangpahrang a si. A thin a hun ciammam ah vawlei aa hnin i Miphun hna nih a thinhunnak kha an ing kho lo.

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

ISAIAH 8:13

Ralkapbu Bawipa keimah hi a thiangmi ka si kha philh hlah; na ṭih hrimhrim awk cu keimah hi ka si.

JOB 13:21

Ka sin hin na kut cu la ṭhan law Na ṭihnunnak nih hin ka thin ka phanter hlah seh.

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

JOB 13:12

Nan phungthlukbia hna cu vutcam phungthlukbia an si, Nan i runvennak hna cu tlak runvennak men an si.