JOB 12:10 - Lai (Hakha) Common Language Bible 2006

¹⁰ A sermi thil vialte an nunnak a uktu cu Pathian a si i Minung thaw cu a kut chungah a um.

JOB 12:10 Խաչաձեւ Հղումներ

LAMKALTU 17:28

mi a cheukhat nih, “Amah chungah kan nung, kan cawl kan cang i khua kan sa,’ an ti bantuk le, nan hla phuahtu hna nih, ‘Kanmah zong a tefa kan si ve,’ an ti bantuk khan a si.

JOB 33:4

Zeicahtiah Pathian thlarau nih a ka ser i Lianngan Bik thaw nih nunnak a ka pek.

LAMKALTU 17:25

Cuhleiah Pathian cu minung kha nunnak le thaw le zeizong vialte a petu a si caah minung nih an tuahpiak khawhmi kha a herhmi pakhat hmanh a um lo.

NAMBAR 16:22

Cun an bawk i, “Maw Pathian, titsa vialte i thlarau hna Pathian, mi pakhat nih a sual caah, nangmah cu mi zapi vialte cungah hin na thin a hung lai maw?” tiah an ti.

JOB 27:3

Ka thaw cu ka chungah a um i Pathian thaw kha ka hnar chungah a um chung paoh ah cun,

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

SALM 104:29

Naa mer tikah an awlok a chong, na thaw kha na tlaihkanh hna tikah an thi i an chuahkehnak vawlei ah khan an kir ṭhan.

GENESIS 2:7

Cun Bawipa Pathian nih vawlei khan tlak tlawmpal a lak i mipa ah a ser; nunnak petu thaw kha a hnar chungah a chuahhnawh i mipa cu a hung nung.

JOHAN 3:6

Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si.

GENESIS 6:17

A nungmi thil vialte hrawhnak ding caah vawlei cungah buanchukcho ka tlunter lai. Vawlei cung i a ummi thil vialte an thi dih lai,

JOB 27:8

Pathian nih Pathian zei i a rel lomi cu a thah tikah, Pathian nih a nunnak a lakpiak tikah khan, A caah zei ruahchannak dah a um?

PHUNGCHIMTU 9:1

Pathian nih zeitindah mifim mi le miding mi hna an rianṭuannak kha a uk i dawtnak an ngeihmi le huatnak an ngeihmi hmanh a uk kha saupi le fak piin ka ruat. Ka hmaiah zeidah a um ti a hngal khomi ahohmanh an um lo.

ISAIAH 42:5

Pathian nih van khi a ser hna i a samh hna; vawlei le a cung i a ummi thilnung vialte kha amah nih a ser hna; vawlei cung i a ummi vialte kha nunnak le thaw a pek hna. Cu Bawipa Pathian nih cun a sal cu a thawh i,

SALM 104:30

Sihmanhsehlaw thaw na pek hna tikah an nung; vawlei cu nunnak thar na pek.

ISAIAH 57:16

Ka mi cu nunnak kha ka pek hna i sual ka phaw lengmang hna lai lo, a zungzal in an cungah ka thin zong a hung lai lo.