JOB 11:6 - Lai (Hakha) Common Language Bible 2006

⁶ Fimnak hi thap tampi a um i Minung fimnak nih a phak khawh lomi thil thuk an um ti kha an chimh hnga. Pathian nih na sualnak a cheu cu hmu duh loin an umpiak kha hngal tuah.

JOB 11:6 Խաչաձեւ Հղումներ

EZRA 9:13

Cun kan ṭhat lonak le kan mawhnak a nganmi ruang i kan cung i a tlungmi thil vialte hna hnuah hin, kan Pathian, kan ṭhat lonak nih a hmuh awk hnga nakin tlawm deuh in nangmah nih dan na kan tat i hi bantuk a tangmi hi na kan pek ti kha kan hmuh caah

ṬAHNAK HLA 3:22

Bawipa dawtnak a fekmi cu, a dong hrimhrim lai lo, A zaangfahnak zong a cat lai lo;

EFESA 3:5

Hi biathli hi hlanah cun mi kha theihter an rak si lo, sihmanhsehlaw atu cu Pathian nih a Thlarau in a lamkaltu mithiang hna le a profet mithiang hna sinah khan a phuan cang.

MATTHAI 13:35

Hiti in a chimh hna cu, profet nih a rak chimmi tlinternak caah khan a si. Profet nih a rak chimmi cu: ‘An sin i bia ka chim tikah tahchunhnak bia ka hman lai; Vawlei ser hramthawk in hngalh bal lomi thil cu ka chimh hna lai,’ ti hi a si.

DANIEL 2:28

Sihmanhsehlaw vancung ah khin biathli a phuang khotu Pathian pakhat a um i amah nih cun Siangpahrang Nebukhadnezzar cu hmailei ah zei thil dah a um lai, ti kha an chimh cang. Mah hihi na mang, naa hngilh lioah langhnak na hmuhmi cu a si:

JOB 15:8

Pathian pumhnak chung biathli cu na thei bal maw? Nangmah lawng hi maw minung fimnak a ngeimi cu na si?

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

JOB 15:11

Pathian nih an hnemhnak bia, na sinah nem tein chimmi cu naa za lo maw?

JOB 15:5

Na ṭhat lonak nih na chimmi bia hi an chimter i Hlennak hi naa thimmi holh a si.

JOB 9:4

Pathian cu a lungthin in a fim i a thazang in a ṭhawng Aho nih dah an doh khawh lai?

DEUTERONOMI 29:29

“Aa thupmi thil hna cu Bawipa kan Pathian ta an si; sihmanhsehlaw hi phungbia vialte hi kan tuah khawh nakhnga, phuanmi thil hna cu kanmah le kan fale hna ta zungzal in an si.

SALM 103:10

Hmuh awk kan i tlakning in dan a kan tat lo, kan sualnak le ṭhat lonak kan tuahmi ning zongin a kan lehrul lo.

JOB 28:28

Cun minung cu a thawh i, ‘Zohhmanh, Pathian ṭih hi fimnak cu a si, ṭhat lonak hrial hi hngalhthiamnak cu a si,’ tiah a ti,” a ti.

JOB 11:5

Sihmanhsehlaw Pathian nih hun in let seh law ka hei duh hnga dah!

JOB 22:5

Nangmah cu miṭhalo ngai na si i na sualnak hi dongh a hngalh lo.

JOB 33:12

“Zohhmanh, hihi kan lehnak a si lai: Na palh. Pathian cu mi nakin a ngan deuh;