JOB 11:11 - Lai (Hakha) Common Language Bible 2006

¹¹ Pathian nih cun aho hi dah zeiruaramlomi a si ti kha a hngalh hna, An ṭhat lonak vialte kha a hmuh dih.

JOB 11:11 Խաչաձեւ Հղումներ

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

SALM 10:14

Nang nih cun na hmuh ko hna; temhinnak le ngaihchiatnak a ingmi cu na hngalh ko hna i bawmh awkah naa tim zungzal ko. Bawmhnak a herhmi kha na bawmh zungzal hna caah vanchiami nih nangmah kha an in fuh.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

HABAKKUK 1:13

Ṭhat lonak kha zoh awkah na mit cu a thiang tuk i minung nih fahnak an in tikah na zoh sawhsawh kho hna lo. A si kun ahcun, zeicahdah mi cu pakhat le pakhat an i rawi lengmang lengmang tikah na zoh sawhsawh ko hna i Zeicahdah a ṭha lomi hna nih anmah nakin a ding deuhmi kha an thah len ko hna tikah hin dai tein na um ziar ko?

HOSEA 7:2

Thil ṭhalo an tuahmi vialte kha ka hngalh camcin ko ti kha a ruah awk an hngal lo; An sualnak nih khan a kulh hna i ka hmaika khan an luat kho lo.

PHUNGCHIMTU 5:8

Acozah pakhatkhat nih misifak kha an hrem hna i dinnak le an hmuh awk a simi kha an pe hna lo, ti na hmuh tikah na khuaruahhar hlah; bawi paohpaoh cu an cung i a ummi bawi cio nih khan an huhphenh hna i cu hna zong cu anmah nakin a sang chin deuhmi bawi nih khan an huhphenh chin ve hna.

SALM 94:11

Bawipa nih an ruahmi cu a hngalh dih ko; zeitluk in dah an ruahnak pakpalawng a si ti cu a hngalh dih ko.

SALM 10:11

Miṭhalopa nih cun aa thawh i, “Pathian cu a zeihmanh a poi lai lo, a mit aa chinh i a ka hmu bal lai lo,” a ti.

SALM 35:22

Sihmanhsehlaw Bawipa, nangmah nih hihi cu na hmuh cangmi a si. Cucaah dai tein um hlah, Maw Bawipa; lamhlatpi ah um sawh hlah.

JOB 24:23

Pathian nih him tein khua a sakter ko hna, Sihmanhsehlaw ṭha tein a ngiat zungzal hna.

JOB 28:24

Zeicahtiah vawlei deng tiang khan a hmuh khawh i Van tang i a ummi thil vialte kha a hmuh dih hna.

JOB 31:4

Sihmanhsehlaw Pathian hrimhrim nih ka lam kha a zoh hna in ka ke hlan vialte kha a rel dih hna lo maw?

SALM 33:13

Bawipa nih vancung khin a run kan zoh i minung vialte hi a kan hmuh dih.