JOB 1:21 - Lai (Hakha) Common Language Bible 2006

²¹ Cun aa thawh i, “Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,” tiah a ti.

JOB 1:21 Խաչաձեւ Հղումներ

PHUNGCHIMTU 5:15

Hi vawlei hi kan hung luh bantukte khan kan chuahtak ṭhan lai — zeihmanh lo tein. Zeicahtiah kan tuahmi vialte hi pakhat hmanh kan i kalpi khawh ding a um lo.

1TIMOTE 6:7

Zeidah vawlei ah hin kan hun i chuahpi? Zeihmanh kan i chuahpi lo.

1THESALON 5:18

zei bantuk thil nan ton hmanh ah lunglawm in um u. Khrih Jesuh chung i nan nunning ah hin hitihin nung hna seh, tiah Pathian nih an duh hna.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

JOB 2:10

Sihmanhsehlaw amah cu a thawh i, “A hrutmi nu bantukin pei bia na chim cu. Pathian kut in ṭhatnak kan hmuh i ṭhat lonak zong kan hmuh awk a si hnga lo maw?” tiah a ti. Hi thil vialte ah hin Job nih a kaa in sualnak a chim lo.

EFESA 5:20

Kan Bawipa Jesuh Khrih min in zeizong kip caah Pathian cu lawm u.

ISAIAH 45:7

Keimah nih ceunak zong ka ser i muihnak zong ka ser; thluachuahnak zong ka tlunter i vanchiatnak zong ka tlunter, Bawipa nih hi thil vialte hi ka tuah dih hna.

SALM 49:17

a thih tikah zeihmanh aa phorh kho hlei lai lo, a chawva nih thlan ah an zul kho lai lo.

1 SAMUEL 2:7

Bawipa nih a pamter tawn hna i a rumter tawn hna; A ṭhumh tawn hna i a hlorh zong a hlorh tawn hna.

ṬAHNAK HLA 3:38

A chia siseh a ṭha siseh, Cung Nung Bik kaa chungin a chuakmi an si lo maw?

PHUNGCHIMTU 12:7

Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.

GENESIS 3:19

Rawl na hmuh khawhnak dingah, vawlei i na kir ṭhan hlan tiang, thlan hripi puak in na cawl a hau lai; Nangmah cu, cu vawlei cun sermi na si. Leidip na si i leidip ah na kir ṭhan lai,” a ti.

MATTHAI 20:15

Keimah tangka cu keimah nih ka duhduh in hman awk a si ko lo maw? Zeicahdah mi ka zaangfah hna hi nan hnah a chuah?’ tiah a ti.

SALM 39:9

Hi tlukin nganfahnak na ka inter caah dai tein ka um lai i bia pakhat hmanh ka chim lai lo.

LAMKALTU 4:28

Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum.

ISAIAH 42:24

Aho nih dah Israel cu thil chuttu hna kut chungah khan a chanh? Bawipa hrimhrim kha a si, a cung i sualnak kan tuahmi Bawipa kha a si. Cuticun nung hna seh a kan tining in kan nung duh lo, a kan cawnpiakmi zong kha ka ngai lo.

SALM 34:1

Bawipa cu a zungzal in ka lawmh lai, amah thangṭhat cu a ngol in ka ngol lai lo.

JOB 1:11

Sihmanhsehlaw atu cu na kut hei chuah law a ngeihmi thil vialte khi tawng tuah ngat, na hmai hrimhrim ah an vawlhpamh ko lai,” tiah a ti.

1 SAMUEL 3:18

Cucaah Samuel nih zeizong vialte a chimh dih i a sinin zeihmanh a thup lo. Cun anih nih, “Mah cucu Bawipa a si; a ṭha tiah a timi cu tuah ko seh,” tiah a ti.

GENESIS 45:5

Hi ram i nan rak ka zuar caah hin nanmah le nanmah sual i phaw hlah u, lung ṭhalo zongin um hlah u. A ngaingai ti ahcun nan hmai i a rak ka kaltertu hi Pathian a si i nan nunnak khamhnak ding caah a rak si.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

ISAIAH 24:15

nichuahlei i a ummi nih an thangṭhat lai. Rili kam i a ummi hna nih Bawipa Israel Pathian cu an thangṭhat lai.

PHUNGCHIMTU 5:19

Pathian nih mi pakhat khat cu rumnak le thilri a pek i cucu a nuamhpiter hna ahcun, Pathian sinah aa lawmh awk a si ko i a ṭuanmi cu aa nuamhpi awk a si ko. Cucu Pathian laksawng pei a si cu.

2 SIANGPAHRANG 20:19

Khi tikah Hezekiah nih Isaiah cu, “Bawipa bia na chimmi cu a ṭha ko,” tiah a ti. Zeicahtiah, “Keimah chan chung i daihnak le himnak a um paoh ah zeidah?” tiah a ruah.

1 SIANGPAHRANG 12:15

Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Bawipa nih mah ti hin thil kha a mersan.

2 SAMUEL 16:12

Bawipa nih ka retheihnak hi a ka hmuhpiak hnga i nihin i chiat a ka serhmi ruangah hin ṭhatnak in a hei ka lehrulh ko hnga dahkaw,” tiah a ti.

GENESIS 30:2

Jakob cu Rachel cungah khan a thin a hung i, “Pathian ai cu ka rawlh kho lo. Fa ngei loin an umtertu cu Pathian pei a si cu,” a ti.

JEIM 5:11

Annih nih an in khawh cah, lunglawmmi kan ti hna. Job lungsaunak kha nan theih i Pathian nih a donghnak ah a pek ṭhannak kong kha nan theih. Bawipa cu zaangfahnak le zawnruahnak in a khatmi a si.

RUTH 1:21

Khatte in ka rak kal i Bawipa nih kutro in a ka kirpi ṭhan. Bawipa nih a ka hrem i Lianngan Bik nih ka cungah harnak a tlunter tikah hin zeicahdah Naomi nan ka ti?” tiah a ti.

1 SAMUEL 2:8

Bawi hna sinah ṭhutter awk le Upatnak ṭhutdan coter awk caah, Sifakmi kha leidip lak in a thawh hna i Retheimi kha vutcam pumhmi lak in a cawi hna. Zeitintiah vawlei tung hna cu Bawipa ta an si i An cungah vawlei cu a chuan.

NEHEMIAH 9:5

Cun Levi mi Jeshua, Kadmiel, Bani, Hasshabneiah, Sherebiah, Hodiah, Shebaniah le Pethahiah nih hi bangin an thangṭhat: “Dir u law Bawipa nan Pathian cu ‘Zungzal in zungzal tiang, sunparnak na min cu thangṭhat a si i thangṭhatnak vialte le hlorhnak vialte nakin a cungnung deuh.

JOB 9:12

Amah nih cun a lak ko, aho nih dah an dawnh khawh lai? Aho nih dah, ‘Zeidah na tuah?’ an ti lai?

SALM 34:2

A tuahmi thil ruangah khan ka thangṭhat lai; hremnak a ingmi nih thei u law i lawm tuah u.

PHUNGCHIMTU 5:14

cun zei maw tiin rian pakhatkhat ah an hloh dih sual i an fale roh awk kha zeihmanh a tang lo.