JOB 1:20 - Lai (Hakha) Common Language Bible 2006

²⁰ Khi tikah Job cu a tho i a puan kha a thleh i a lu aa kawngh i vawlei ah a bawk i Pathian kha a biak.

JOB 1:20 Խաչաձեւ Հղումներ

1 PETER 5:6

Cucaah cun a ṭhawngmi Pathian kut toiah toidor tein khuasa u law amah nih a caan a rem a ti tikah an hlorh te hna lai.

EZRA 9:3

Mah hi ka theih tikah ka puan hna le ka angki kha ka thleh hna i ka lu sam le ka khahmul kha ka bawh hna i awlokchong in ka ṭhu.

GENESIS 37:34

Jakob nih a thilpuan kha a thleh hna i a tai ah a ngaihchiat langhternak ah puan nak aa menh i saupi a fapa cu a ṭah lengmang.

GENESIS 37:29

Reuben nih khan tikhor cu a va zoh ṭhan i Josef kha a rak um ti lo cu a hmuh tikah a ngaihchiatnak langhternak ah a thilpuan kha a thleh hna.

DEUTERONOMI 9:18

Cun Bawipa hmaiah a hlan bang khan ni sawm li le zan sawm li ka bawk; Bawipa kha a thin phawh awkah amah mithmuh ah ṭhat lo nan tuahnak thawngin sual nan tuahmi vialte ruangah rawl ei lo le ti ding loin ka um.

MATTHAI 26:39

Hmailei ah khin tlawmpal a va kal i vawlei ah a bawk i, “Ka Pa, a si khawh ahcun hi hrai hi ka ṭhialpiak ko. Sihmanhsehlaw keimah duhmi cu si hlah seh, nangmah duhmi tu si ko seh,” tiah thla a cam.

2 CHANRELNAK 7:3

Israel fale vialte nih mei a rung ṭum le biakinn cung i Bawipa sunparnak kha an hmuh tikah, vawlei lei hoih in lung phahmi cungah khan an lu an i khun i Bawipa cu an biak i an lawmh i, “Zeitintiah amah cu a ṭha, A fekmi a dawtnak cu zungzal in a hmun,” tiah an ti.

JOSHUA 7:6

Khi tikah Joshua nih a puan kha a thleh hna i Bawipa kuang hmaiah cun zanlei tiang vawlei ah a bawk, amah le Israel upa hna cu an bawk; cun an lu ah leidip an i phulh.

2 SIANGPAHRANG 2:12

Cun Elisha nih khan mah cucu a hmuh i, “Ka pa, ka pa! Israel mi rangleng hna le rang cung ralkap hna khing,” tiah a au. Cun cu hnu cu amah kha a hmu ti lo. Khi tikah amah a puan kha aa tlaih hna i cheu hnih ah a cheu hna.

JOB 1:19

zohhmanh, ramlak lei khin thli fakpi a hung hrang i inn cu a ki li in a den i seino pawl cungah cun a tla i an thi dih; cun keimah lawnglawng hi nangmah chimtu dingah ka luat,” tiah a ti.

JOB 2:12

Cun annih nih lamhlat piin an hei hmuh tikah an hngal kho lo i an ai thluahmah i an ṭap; cun an puan kha an thleh hna i van lei ah vutcam kha an vorh i an lu cungah an i phulh.

JEREMIAH 7:29

Maw Jerusalem, Pathian sin i naa peknak hmelchunhnak na sam kha i met law hlonh tuah; Tlang par kolh ah khin va ṭap tuah, Zeicahtiah a thin a huntertu chan kha Bawipa nih a hlawt cang i a kaltak cang hna,’ na ti lai.

JOEL 2:13

Nan puan si loin nan lung tu kha thlek tuah u,” tiah Bawipa nih a ti. Bawipa nan Pathian sinah cun ra kir ṭhan tuah u, Amah cu zaangfahnak le vel a ngeimi a si; Amah cu a thin a fual i a biakamnak kha a zulmi a si; Ka tlunter lai tiah a timi harnak kha leet i ngaihthiam awk tu ah aa tim zungzalmi a si.

EXODUS 4:31

Mizapi nih cun an zumh i Bawipa cu kan sinah a ra i retheihnak kan inmi kha a hmuh ti kha an hngalh tikah an kun i an biak.