JOB 1:17 - Lai (Hakha) Common Language Bible 2006

¹⁷ Cun bia a chim lengmang lioah cun a dang pakhat a ra ṭhan i, “Khaldi mi hna cu bu thum in an i ser riangmang i kalauk kha an nam hna i an lak hna i sinum hna kha vainam in an thah hna; cun keimah lawnglawng hi nangmah chimtu dingah ka luat,” tiah a ti.

JOB 1:17 Խաչաձեւ Հղումներ

GENESIS 11:28

Haran cu amah a chuahkehnak Khaldi ram Ur khua ah khan a pa a nun lioah a thi.

HABAKKUK 1:6

Mah cucu hihi a si: Khaldi mi cu ka thawhter hna lai, Annih cu mipuar, mithintawi an si; Anmah inn a si lomi lak awkah khan vawlei cung khuazakip ah an kal.

ISAIAH 23:13

(Tair ram cu saram nih an hrawh, cu a hrawhtertu cu Assiria a si lo, Babilon tu kha a si. Tair khua cu kulhnak chuntlung a serhnawh i a ralhau vialte a chim dih i a hrawk dihtu cu Babilon a si.)

JOB 1:15

cun Seba mi hna nih an chuahhnawh hna i an lak hna i na sinum hna kha vainam in an thah hna; cun keimah lawnglawng hi nangmah chimtu dingah ka luat,” tiah a ti.

2 SAMUEL 1:3

David nih amah cu, “Khuazei in dah na rat?” tiah a ti. Cun anih nih, “Israel mi hna riahhmun in ka ra zam,” tiah a ti.

GENESIS 11:31

Terah nih a fapa Abram le a tu Lot, Haran fapa kha le, Abram nupi Sarai kha, Kanaan ram lei i kal awkah Khaldi ram Ur khua khan a thawhpi hna. Sihmanhsehlaw Haran khua tiang an kal i cuka ah cun umhmun an khuar.

JOB 1:18

Cun bia a chim lengmang lioah cun a dang pakhat a ra ṭhan hoi i, “Na fapa hna le na fanu hna cu an upa bik inn ah rawl an ei i mitsur hang an din lioah

EZEKIEL 23:23

Babilon mi hna le hi Khaldi mi vialte hna le Pekod, Shoa le Koa phun mi hna le an sin i a ummi Assiria mi vialte hna hi, na cungah an thin ka hunter hna lai. Annih cu tlangval dawhdawh, bawi nganngan le uktu bawi hna le ralbawi hna, bawi min thangthang, rangcung i aa citmi an si.