JOB 1:10 - Lai (Hakha) Common Language Bible 2006

¹⁰ Amah le a inn le a ngeihmi vialte cu hau in na kulh hna lo maw? Nangmah nih a kut rianṭuannak cu thluachuah na pek i ram chungah hin a ngeihmi thil cu an karh.

JOB 1:10 Խաչաձեւ Հղումներ

SALM 34:7

Bawipa a ṭihmi cu a vancungmi nih khan an zoh hna i ṭihnak chungin an luatter hna.

ZEKHARIAH 2:5

Bawipa nih, Keimah cu a velchum in mei vampang ka si lai i a laifang ah a sunparnak ka si lai, a ti, tiah va chim,” tiah a ti.

1 PETER 1:5

Cu an chiahpiak hna cu Pathian kha nan zumh caah le khamhnak a phak hlantiang amah ṭhawnnak nih an huhphenh hna caah a si — cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

ZEKHARIAH 2:8

Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.

JOB 31:25

Ka chawva a tam caah le ka rumnak a karh caah kaa lawm i

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

SALM 107:38

A mi kha thluachuah a pek hna i fa tampi an ngei, an saṭil run kha a lohtlauter hna lo.

SALM 90:17

Bawipa kan Pathian, kan cungah na thluachuahnak cu um seh law kan thil timi kip ah khua awng kan pemhter ko! Kan thil timi kip ah khua awng kan pemhter ko!

DEUTERONOMI 7:13

an dawt hna lai, thluachuah an pek hna lai i an karhter hna lai; nan pupa hna sinah nannih kha pek awkin chiat a sermi ram chungah hin nan pum theitlai le nan vawlei theitlai, nan rawl le nan mitsur hang le nan chiti, nan cawfa hna le nan tuufa hna zong, thluachuah a pek hna lai.

GENESIS 26:12

Cu ram ah cun Isak nih thlaici a tuh i cu kum ah cun a tuhmi thlaici a let za khat in a zun; cucu Bawipa nih thluachuah a pek caah a si.

ISAIAH 5:5

“Cucaah cun ka dum cu hitihin ka tuah lai. A kulhnak kha ka baoh hna lai i a hau kha ka hrawh hna lai i saram kha ka eiter dih hna lai i ka nanter dih hna lai.

ISAIAH 5:2

Vawlei kha a cawh i lung kha a hlonh hna; mitsur kung ṭha bik phun kha a cin hna. Mitsur ruang cawnghnak caah cun parthlam pakhat a sak i mitsur thei nennak caah cun khor pakhat a cawh. Mitsur thei an hmin lai cu a hngah, sihmanhsehlaw an thor dih ai.

1 SAMUEL 25:16

annih cu an sin i tuu cawng in kan um chung vialte zan ah siseh, chun ah siseh, kan caah hauhruang an si.

DEUTERONOMI 33:27

Zungzal hmunmi Pathian cu na umnak hmun a si i Na tangah zungzal hmunmi ban kha an um. Cun ral kha na hmaiah a dawi i ‘Hrawk tuah,’ tiah a ti.

SALM 71:21

Hmasa nakin a ngan chinchin ah na ka ser lai, nangmah nih hnangamnak na ka pek ṭhan lai.

JOB 42:12

Cun Bawipa nih Job cu a chan a donghlei kha a thawk lei nakkhan thluachuahnak tam deuh in a pek i tuu thong hleili, kalauk thong ruk, cawtum tuah thong khat le laapi thong khat a ngei.

GENESIS 49:25

Nangmah bawmtu cu na pa i a Pathian, Nangmah thluachuah an petu Lianngan Bik Pathian kha a si. Cunglei van ruah thluachuahnak le Tanglei ti thuk thluachuahnak le Hnuk thluachuahnak le Paw thluachuahnak le

GENESIS 30:43

Khulrang in a rum ko. Saṭil run tampi le sal le kalauk le laa kha a ngeih hna.

GENESIS 30:30

Ka rat hlanah cun na saṭil cu tlawmte lawng an rak si, sihmanhsehlaw atu cu tampi ah an i chuah cang; keimah thawngin Bawipa nih thluachuah cu an pek ko. Atu cu keimah ca kaa ṭuan caan a si ve cang,” a ti.

SALM 80:12

Zeicahdah a kulhnak hau vialte cu na bauh dih? Atu cu aa chawkmi paoh nih a thei kha an fir;

SALM 5:12

Bawipa, na nawl a ngaimi cu thluachuah na pek hna, na zaangfahnak nih phaw bantukin a huhphenh hna.

JOB 29:6

Ka lam cu cawhnuk in an luan i Lung chungin chiti an rak puut lio bantuk kha si kho ning law ka hei duh dah!

DEUTERONOMI 33:11

Maw Bawipa, a chawva kha thluachuah pe law, A kut rianṭuanmi kha cohlanpiak ko; A ral hna tawkawng cu khiak tuah, A huatu hna tawkawng cu, an thawh ṭhan ti nakhnga lo, khiak tuah,” tiah a ti.

GENESIS 39:5

Cu thawk cun Josef ruangah khan Bawipa nih cun Izipt mipa innchungkhar cu thluachuah a pek hna. A inn chung i a ngeihmi thil si hna seh, a lo chung i a ngeihmi thil si hna seh. Bawipa nih cun thluachuah a pek hna.

JOB 1:3

Cun tuu thong sarih, kalauk thong thum, cawtum tuah za nga, cun laapi za nga le sinum tam ngaingai a ngei; cucaah hi pa cu nichuahlei mi vialte lakah a lianngan bik a si.

JOB 29:2

“Maw, hlan lio thla hna chung i ka rak um bantuk khan um ning law ka hei duh dah! Pathian nih a rak ka zohkhenh lio caan i ka rak um bantuk khan;