JEREMIAH 9:10 - Lai (Hakha) Common Language Bible 2006

¹⁰ Tlang cungah khin fakpi in ka ṭap lai i ka kiao len ko lai. Ramlak saṭil tlonnak ah khin ṭah hla ka lawh lai. Zeicahtiah annih cu an kang dih i ahohmanh nih an pal ti hna lo. Caw pawt thawng zong kha theih a si ti lo. Van i a zuangmi va hna le lolak saram hna zong kha an lo dih cang.

JEREMIAH 9:10 Խաչաձեւ Հղումներ

JEREMIAH 12:4

Zei can dah kan ram hi car remrum in a um lai i A ram hring hna hi rocar in an um lai? A chung mi hna kha an ṭhat lo tuk ca le, ‘Kan tuahmi kha Pathian nih a hmu lai lo,’ tiah an ti caah, Va si hna seh, saram si hna seh, a tangmi zeihmanh an um lo.

HOSEA 4:3

Cucaah ram cu ngaihchia in a um lai i a chung i a ummi vialte cu an lotlau dih lai i Anmah sinah cun ramlak saram hna le van i a zuangmi va hna zong an lotlau ve lai; Nga hmanh kha rili chungin an lo lai.

EZEKIEL 33:28

Ram cu a ṭiaomi ram ah ka ser lai; aa porhlawtmi a thazang cu pakpalawng ah a cang lai i Israel tlang hna cu ke pal lomi thetse ram ah an cang lai.

EZEKIEL 29:11

Mi ke zeihmanh nih a pal lai lo i saram zeihmanh nih an pal fawn lai lo; a chungah mi um loin kum sawm li chung a um lai.

EZEKIEL 14:15

Ram pakhatkhat cu a chung i a ummi minung hna kha hrawh awkah sahrang kha ka thlahhnawh hna, cu sahrang hna nih cun an hrawh cikcek i cu sahrang hna ṭih ah cun ahohmanh nih an pal ti lo tikah,

JEREMIAH 12:10

Tuukhal tampi nih ka mitsur dum kha an hrawh i ka lo kha an naan dih, Ka lo a ṭhami te kha thetse ram ah an ser dih,

JEREMIAH 7:29

Maw Jerusalem, Pathian sin i naa peknak hmelchunhnak na sam kha i met law hlonh tuah; Tlang par kolh ah khin va ṭap tuah, Zeicahtiah a thin a huntertu chan kha Bawipa nih a hlawt cang i a kaltak cang hna,’ na ti lai.

ṬAHNAK HLA 2:11

Ka ṭahnak ah ka mit a phing dih i Ka chung a vang; Ka lung cu ngaihchiatnak in vawlei ah bungh a si, Zeicahtiah khualak lam ah khan ngakchia le bawhte hna cu an ba i

ṬAHNAK HLA 1:16

Hi thil hna ruangah hin ka ṭap i Ka mit cu mitthli in a luang; Keimah hnemtu ding le ka thazang hrimhtertu ding cu lamhlapi lawngah an um. Ka fapale hna cu lileng in an um, Ral nih a tei hna caah.

JEREMIAH 23:10

Zeicahtiah ram cu va cung pa duhmi in a khat i Anmah ruangah cun vawlei cu a ro dih i Ramlak ram hno vialte cu an car dih. An zulhmi lam cu ṭhat lonak a si i an ṭhawnnak hna cu a ning loin an hman.

JEREMIAH 14:6

Ramber a um lo caah ramlak laa hna cu tlangpar hmunkawng ah khan an dir i Cenghngia bangin an lei an i chak i an thaw a ha i an mit a mui.

JEREMIAH 8:18

Zeitindah ka ngaihchiatnak hi ka in khawh lai? Ka lung si a vang.

JEREMIAH 2:6

Annih nih, ‘Izipt ram chungin a kan chuahpitu Bawipa, Ramlak ah a kan hruai i thetse ram le khor tampi umnak ram, Ram ro ram car le muihnak ram, ahohmanh nih an pal lomi, ahohmanh an um lonak ram chungah a kan hruaitu kha, Khuazei ah dah a um?’ an ti lo.

ISAIAH 49:19

“Na ram cu a rak rawk dih i pakpalawng ah a rak cang dih, sihmanhsehlaw atu cu, a chung um awk i a ra dingmi hna caah a hme tuk cang lai. Nangmah cu rawk relrul in an kaltaktu hna kha na sinin lamhlapi ah ṭhial an si cang lai.

ISAIAH 41:15

Facang tuknak fung, a thar i hahar an bunhmi bantuk ah kan ser lai. Tlang kha na rial hna lai i na hrawh lai; fing kha na hmawh dih hna lai i leidip ah an cang lai.

JEREMIAH 50:3

Zeicahtiah anmah tuk awkah chaklei in miphun pakhat a rung cang, Pakpalawng hmun ah a ser lai i khika ah minung siseh, saram siseh, an um lai lo,” tiah chim, a ti.

EZEKIEL 27:2

“Mipa, Tair hi ṭahhla lawh tuah, i thawh law,

JOEL 1:13

Bawipa biakṭheng cungah thawinak a pechantu nannih tlangbawi hna, Ngaihchiatnak thil kha i hruk u law ṭap u, Biakinn chungah khan va kal u law, ngaihchiatnak thilthuam i hruk in zan khua va dei u. Nan Pathian inn chung i pekchanh awkah rawl siseh, mitsur hang siseh, zeihmanh a um lo.

JOEL 1:19

Maw Bawipa, ka auhmi cu nangmah na si; Zeicahtiah mei nih phong cu a kangh dih i Ramlak thingkung vialte cu meizik nih a hrem dih hna.

AMOS 5:1

Maw Israel, ṭah hla kan lawhmi hi ngai tuah:

AMOS 5:16

Cucaah hihi Bawipa, Ralkapbu Pathian bia cu an si: Lam kip ah khan ṭahnak a um lai i Khuachung tlonlennak bualrawn paohpaoh ah khan aihramnak a um lai. Lothlo kha ṭap tiah an ti hna i Ṭahhla lawh thiammi hna cu, ṭap u tiah an kawh hna lai.

MIKAH 2:4

Cu ni a phak tikah nan konglam hi mi nih rawhralnak tahchunhnak ah an hman lai i hi ngaihchiatnak hla hi an sak lai i Kan rawk cikcek cang! Bawipa nih kan ram cu a lak cang. Sal i a kan tlaitu kha a pek cang hna, an ti lai.

JEREMIAH 2:15

Zeicahdah chiandeih nih an hukhnawh i an aihnawh? Zeicahdah a ram cu pakpalawng ah a can? Zeicahdah a khuapi hna cu an rawk i mi nih an chuahtak hna?

JEREMIAH 12:11

Ṭiaotakmi hmun, ram pakpalawng le ti um lonak hmun ah an ser i ka ngaih a chia. Ram cu a ning piin thetse ram ah a cang cang, sihmanhsehlaw ahohmanh an zei a poi lo.

ṬAHNAK HLA 5:18

Zeicahtiah Zion Tlang cu a ṭiao i A cungah cenghngia kha an i chawk.

EZEKIEL 6:6

Nan umnak hmun kip ah khan thisen aa nehmi biakṭheng cu an ṭhing lai i nan khuahrumbo cu an rawk lai. Nan biakṭheng cu an rawk an ṭhing dih lai i nan siasal hna cu an kek an kuai dih lai i santlailo an si lai, nan zihmui khanghnak biakṭheng hna cu chimh an si lai i thil nan tuahmi vialte kha hloh dih an si lai;

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.